ՀՅԴ հինգերորդ Ընդհանուր ժողովը տեղի է ունեցել 1909 թվականի օգոստոս-սեպտեմբեր ամիսներին՝ Վառնայում, Բուլղարիա։

ՀՅԴ Ե.-րդ Ընհդանուր ժողով
Յայտարարագիր Կովկասեան Գործունէութեան Առթիւ

Հ.Յ. Դաշնակցութեան Ե.-րդ Ընդհանուր ժողովը կանգնած է քաղաքական երկու տարբեր պատկերների առջեւ: Մինչ մի կողմից գալիս ենք Թուրքիայի մեր քսանամեայ կռիւների փայլուն յաղթանակն արձանագրելու, մինչեւ Իրանի պատմութեան մէջ մեր մասնակցութեամբ բացւած նոր շրջանն ենք աւետում, մինչեւ երկու երկրների բռնապետների տապալումը եւ ուժասպառ ժողովուրդների վերածնութիւնն ենք ողջունում,– այնտեղ՝ Ռուսաստանում սեւ րէակցիան է, որ տիրող է, յաղթական: Ժողովրդի դէմ յայտարրւած պատերազմն է, որ շարունակում է մղւել յամառ  ու անողոք. այնտեղ արիւնոտ, նոր, մեծ պայքարի հեռանկարն է, որ գրւած է սպառնալից:

…Կռիւը դաշնակցական շարքերի եւ ընդհանրապէս կովկասահայ մտաւորականութեան դէմ՝ երկարօրէն եւ խնամքով նախապատրաստւած, մղւում է հայ ժողովրդի տականքների աջակցութեամբ ու խրախուսանքով, յաճախ նոյն պաշտօնեաների ձեռքով, որոնք դեռ երեք մեր կօմիտէների թոյլտւութեանն էին սպասում՝ իրենց պաշտօնատեղին երթալու համար, դաշնակցական մարմինների ու դատարանների աջակցութեանն էին դիմում եւ՝ յեղափոխական դրօշակի ետեւից քարշ ընկած՝ կազմակերպութեան մարտական ու գաղափարական կորովն էին գովաբանում:

«ԴՐՕՇԱԿ»
Հոկտեմբեր-Նոյեմբեր 1909
Թիւ 10-11(207)

-Նիւթեր Հ. Յ. Դաշնակցութեան Պատմութեան Համար. Զ. Հատոր

-Յայտարարագիր Հ. Յ. Դաշնակցութեան Հինգերորդ Ընդհանուր Ժողովի
-Յայտարարագիր Կովկասեան Գործունէութեան Առթիւ