Պատվիրակության ղեկավար ԱԳ նախարար Մասիս Մայիլյանը կարևորել է ֆորումի գործունեությունը և համոզմունք հայտնել, որ կառուցի անդամների ջանքերով Ուրուգվայում կհաջողվի շարունակել արդյունավետորեն պաշտպանել Արցախի շահերը, բարձրացնել ԱՀ մասին իրազեկվածության աստիճանը, ինչպես նաև նպաստել Ուրուգվայի և Արցախի միջև երկկողմ ու բազմաշերտ հարաբերությունների զարգացմանը։

Ֆորումի անդամների խնդրանքով Մասիս Մայիլյանը ներկայացրել է Արցախի Հանրապետության միջազգային ճանաչման և ապակենտրոնացված համագործակցության գործընթացները։

Հանդիպման ժամանակ մտքեր են փոխանակվել Ֆորումի գործունեության վերաբերյալ: Նախանշվել են Արցախի միջազգային ճանաչման և Ուրուգվայի հետ համագործակցության ընդլայնման ուղղությամբ հետագա քայլերը։

nkar.am