Հանդիպման ընթացքում անդրադարձ է կատարվել Արցախում կայանալիք համապետական ընտրությունների կազմակերպմանը, առկա քաղաքական իրավիճակին, ղարաբաղյան հակամարտության կարգավորման գործընթացին, բանակաշինության ուղղությամբ տարվող աշխատանքներին:

Հարկ ենք համարում նշել, որ հանդիպման մասնակիցներից երեքը՝ Աշոտ Ղուլյանը, Արայիկ Հարությունյանը և Մասիս Մայիլյանը պատրաստվում են իրենց թեկնածությունը առաջադրել ԱՀ նախագահական ընտրություններին:

ՀՅԴ Արցախի կառույցը Հանրապետության նախագահի և Ազգային ժողովի ընտրություններին իր մասնակցության ձևաչափի, ինչպես նաև նախագահի իր թեկնածուի մասին որոշումը կայացնելու է առաջիկայում կայանալիք ՀՅԴ Արցախի կառույցի արտակարգ ժողովում:

aparaj.am