Դատարանը վարույթ է ընդունել ՀՅԴ-ի հայցն ընդդեմ Արման Բաբաջանյանի
22 Հունվար 2020Երևան քաղաքի ընդհանուր իրավասության առաջին ատյանի դատարանի դատավոր Ավագ Գաբրիելյանը վարույթ է ընդունել ՀՅԴ անդամների հայցն ընդդեմ՝ ԱԺ պատգամավոր Արման Բաբաջանյանի:
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ԴԱՏԱՐԱՆԻ
Ո Ր Ո Շ ՈՒ Մ Ը
Հայցադիմումը վարույթ ընդունելու մասին
Երևան քաղաքի առաջին ատյանի ընդհանուր իրավասության դատարանի դատավոր Ա.Գաբրիելյանս, քննության առնելով «Հայ Յեղափոխական Դաշնակցություն» կուսակցության, Իշխան Վաչիկի Սաղաթելյանի, Աշոտ Ժորայի Սիմոնյանի, Սիմոն Անդունի Սիմոնյանի, Շաղիկ Հրայրի Մարուխեանի, Արմենուհի Ստեփանի Կյուրեղյանի, Լիլիթ Սերյոժայի Գալստյանի, Միքայել Վաղինակի Մանուկյանի, Արթուր Լևոնի Խաչատրյանի, Հակոբ Աղասու Մաթիլյանի, Տարոն Արտաշի Տոնոյանի և Արծվիկ Գարեգինի Մինասյանի, ի դեմս լիազոր ներկայացուցիչ Հայկուհի Սեդրակյանի, ներկայացրած հայցադիմումն ընդդեմ Արման Շամիրի Բաբաջանյանի՝ վիրավորանքի համար հրապարակային ներողություն խնդրելուն պարտավորեցնելու և փոխհատուցում վճարելու պահանջի մասին, զրպարտության համար փոխհատուցում վճարելու պահանջի մասին, վարույթ ընդունելու հարցը,
Պ Ա Ր Զ Ե Ց Ի
«Հայ Յեղափոխական Դաշնակցություն» կուսակցությունը, Իշխան Վաչիկի Սաղաթելյանը, Աշոտ Ժորայի Սիմոնյանի, Սիմոն Անդունի Սիմոնյանը, Շաղիկ Հրայրի Մարուխեանը, Արմենուհի Ստեփանի Կյուրեղյանը, Լիլիթ Սերյոժայի Գալստյանը, Միքայել Վաղինակի Մանուկյանը, Արթուր Լևոնի Խաչատրյանը, Հակոբ Աղասու Մաթիլյանը, Տարոն Արտաշի Տոնոյանը և Արծվիկ Գարեգինի Մինասյանը, ի դեմս լիազոր ներկայացուցիչ Հայկուհի Սեդրակյանի, 08.01.2020թ.-ին հայցադիմում են ներկայացրել Երևան քաղաքի առաջին ատյանի ընդհանուր իրավասության դատարան ընդդեմ Արման Շամիրի Բաբաջանյանի՝ վիրավորանքի համար հրապարակային ներողություն խնդրելուն պարտավորեցնելու և փոխհատուցում վճարելու պահանջի մասին, զրպարտության համար փոխհատուցում վճարելու պահանջի մասին:
Գտնում եմ, որ հայցադիմումը համապատասխանում է ՀՀ քաղաքացիական դատավարության օրենսգրքի 121-րդ և 122-րդ հոդվածների պահանջներին, հետևաբար այն պետք է ընդունել վարույթ:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 125-րդ, 199-րդ և 200-րդ հոդվածներով՝
Ո Ր Ո Շ Ե Ց Ի
«Հայ Յեղափոխական Դաշնակցություն» կուսակցության, Իշխան Վաչիկի Սաղաթելյանի, Աշոտ Ժորայի Սիմոնյանի, Սիմոն Անդունի Սիմոնյանի, Շաղիկ Հրայրի Մարուխեանի, Արմենուհի Ստեփանի Կյուրեղյանի, Լիլիթ Սերյոժայի Գալստյանի, Միքայել Վաղինակի Մանուկյանի, Արթուր Լևոնի Խաչատրյանի, Հակոբ Աղասու Մաթիլյանի, Տարոն Արտաշի Տոնոյանի և Արծվիկ Գարեգինի Մինասյանի, ի դեմս լիազոր ներկայացուցիչ Հայկուհի Սեդրակյանի, ներկայացրած հայցադիմումն ընդդեմ Արման Շամիրի Բաբաջանյանի՝ վիրավորանքի համար հրապարակային ներողություն խնդրելուն պարտավորեցնելու և փոխհատուցում վճարելու պահանջի մասին, զրպարտության համար փոխհատուցում վճարելու պահանջի մասին, ընդունել վարույթ և նախապատրաստել դատաքննության:
Սույն որոշումը վերջնական է և բողոքարկման ենթակա չէ:
ԴԱՏԱՎՈՐ Ա.ԳԱԲՐԻԵԼՅԱՆ
