ՀՅԴ «Սիմոն Վրացյան» կենտրոնում այսօր ՀՅԴ Հայաստանի Գերագույն մարմնի անդամները՝ ԳՄ ներկայացուցիչ Իշխան Սաղաթելյանի գլխավորությամբ, հյուրընկալել են ՀՅԴ Արցախի Կենտրոնական կոմիտեի անդամներին և քննարկել օրակարգային մի շարք հարցեր: ՀՅԴ Արցախի Կենտրոնական կոմիտեի ներկայացուցիչ, Արցախի Հանրապետության նախագահի թեկնածու Դավիթ Իշխանյանը ՀՅԴ Հայաստանի Գերագույն մարմնին է ներկայացրել Արցախում և նրա շուրջ տեղի ունեցող վերջին զարգացումները:

Քննարկվել են նաև Արցախի նախընտրական շրջանին առնչվող մի շարք հարցեր: ՀՅԴ երկու կազմակերպական շրջանների ղեկավար մարմինների անդամները մտքեր են փոխանակել Արցախի անվտանգությանն սպառնացող մի շարք մարտահրավերների շուրջ և ձեռք բերել պայմանավորվածություններ առաջիկա անելիքների վերաբերյալ: