ՀՅԴ Արեւմտեան Ամերիկայի Կեդրոնական կոմիտէն մեծ վիշտով կը գուժէ մահը վաստակաշատ անդամ, նուիրեալ գործիչ եւ առատաձեռն բարերար ընկեր Մանաս Պուճիքեանի մահը, որ պատահեցաւ Ուրբաթ, 18 Սեպտեմբեր 2020ին:

Ընկեր Մանաս Պուճիքեանի՝ Հայ Յեղափոխական Դաշնակցութեան, համայնքին եւ Հայ Դատին մատուցած նպաստը եւ ներդրումները անհամար են:

Ան եղած է Հայ Մշակութային Հիմնարկի հիմնադիր անդամներէն. քաղաքական գործիչ մը, որուն մտապատկերը առաջնորդեց այսօրուան Հայ Դատի յանձնախումբի կազմակերպման: Անոր առատաձեռնութիւնը տարածուեցաւ համայնքի յառաջդիմութեան՝ ուսումնական հիմնարկներէն մշակութային կազմակերպութիւններու վրայ, եւ ան մեծ ճիգ թափեց հայ ժողովուրդի ձգտումներու իրականացման գործին մէջ:

Ան եղաւ «Ասպարէզ» օրաթերթին տասնամեակներով զօրավիգ կանգնողը եւ բարերարը:

ՀՅԴ Արեւմտեան Ամերիկայի Կեդրոնական կոմիտէն իր բոլոր անդամներուն կողմէ ցաւակցութիւն կը յայտնէ ընկեր Մանաս Պուճիքեանի ընտանիքին եւ հարազատներուն:

ՀՅԴ ԱՐԵՒՄՏԵԱՆ ԱՄԵՐԻԿԱՅԻ ԿԵԴՐՈՆԱԿԱՆ ԿՈՄԻՏԷ
20 սեպտեմբեր, 2020թ

asbarez.com