ՀՅԴ երեսուներրորդ Ընդհանուր ժողովը տեղի ունեցած է 2019 թուականի Յունուար 16-24, Սեփանակերտ, Արցախի Հանրապետութիւն:

ՀՅԴ 33-րդ Ընդհանուրժողովը արձանագրելով, որ`

-Անցնող քառամեակում կուսակցութիւնը, հարազատ մնալով իր ռազմավարական սկզբունքներին, մշտապէս գործունէութեան առանցքում է պահել հայ ժողովրդի իրաւունքների պաշտպանութեան, Հայաստանի պետականութեան ամրապնդման, երկրի կայունութեան եւ անվտանգութեան հարցերը.

-Վերահաստատում է Արցախի հիմնահարցի վերաբերեալ նախապէս յայտարարուած դիրքորոշումները.

-Հայկական աշխարհը, իր բաղադրիչ մասերով` Հայրենիք եւ Սփիւռք, որպէս մէկ միասնական ամբողջութիւն, այն ուժն է, որը կարող է մրցակցային առաւելութիւններ ապահովել ժամանակակից աշխարհում.

-Ապրիլեան համաժողովրդական շարժման արդիւնքում ապագայի նկատմամբ ոգեւորութեան եւ յոյսի նոր ալիք է բարձրացել, որի ճիշդ հունաւորումը կարող է ապահովել Հայաստանի եւ հայութեան յետագայ առաջընթացը.

-Առաջիկայ ժամանակահատուածում ՀՅ Դաշնակցութիւնը գործելու է ներքաղաքական եւ արագ փոփոխուող աշխարհաքաղաքական նոր իրողութիւնների պայմաններում.

-Հայկական Սփիւռքի կազմակերպման եւ զարգացման գործը շարունակում է մնալ ՀՅԴ համահայկական ռազմավարութեան էական բաղադրիչներից մէկը.

-ՀՅԴ-ն հաւատարիմ է հայութեան Պահանջատիրութեանն ու անժամանցելի իրաւունքների վերականգնմանը.

Յայտարարում է`

Իբրեւ արտախորհրդարանական քաղաքական ուժ, ազգային ուղեգծին ու ընկերվարական իր գաղափարախօսութեանը հաւատարիմ, Դաշնակցութիւնը շարունակելու է իր մշտանորոգ ընթացքը, նպատակ ունենալով կերտել ազատութեան, արդարութեան եւ համերաշխութեան հիմնարար սկզբունքների վրայ հիմնուած իրաւական, ժողովրդավարական եւ սոցիալական պետութիւն:

-Հաւատարիմ է մնալու «զարգանալ` չզիջելով» սկզբունքին, թոյլ չտալով որեւէ շեղում ազգային ուղեգծից ու նպատակադրումներից.
-կողմնակից է Հայաստանի բազմաբեւեռ, փոխլրացնող արտաքին քաղաքականութեանը.
-որակական նոր թափ է հաղորդելու Հայ դատի պայքարին.
-շարունակելու է աջակցել ջաւախահայութեան իրաւունքների պաշտպանութեանը.
-վճռականօրէն հակազդելու է ներազգային պառակտումների ցանկացած փորձի.
-հանդէս է գալու հայութեան ազգային, հոգեւոր հաստատութիւնների եւ արժէքների պաշտպանութեան յանձնառութեամբ.
-խրախուսելու է տարբեր հարթակներում կանանց առաւել շօշափելի ներկայութիւնը:

Առ այդ, Հայ յեղափոխական դաշնակցութիւնը կոչ է ուղղում աշխարհասփիւռ իր շարքերին, համակիրներին եւ ուղեկից կառոյցներին` համախմբուելու հայութեան ու Մայր հայրենիքի կենսական շահերի շուրջ` յանուն Ազատ, Անկախ եւ Միացեալ Հայաստնի կերտման:

Հ.Յ.Դ. 33-րդ Ընդհանուր Ժողով
25.01.2019 թ

-Լուսանկարներ

-Մամուլի հաղորդագրություն

-Մեկնարկել է ՀՅԴ 33-րդ Ընդհանուր ժողովը

-Բակո Սահակյանն ուղերձ է հղել ՀՅԴ Ընդհանուր ժողովի մասնակիցներին

-Արցախի Թեմի Առաջնորդ Պարգեւ արքեպիսկոպոս Մարտիրոսեանի ելոյթը ժողովի բացման ժամանակ

-ՀՅԴ Բիւրոյի ներկայացուցիչ Հրանդ Մարգարեանի ելոյթը ժողովի բացման ժամանակ

-Ընդհանուր Ժողովի մասնակիցները հարգանքի տուրք են մատուցել Եղբայրական գերեզմանոցում

-Հ.Յ.Դ. 33-րդ Ընդհանուր Ժողովի օրակարգը

-Հաղորդագրություն

-ՀՀ վարչապետ Նիկոլ Փաշինյանի ուղերձը ՀՅԴ 33-րդ Ընդհանուր ժողովին

-ՀՅԴ Ընդհանուր ժողովի մասնակիցները հանդիպեցան Արցախի նախագահ Բակո Սակահեանի հետ

-Հայտարարություն ՀՅԴ 33-րդ Ընդհանուր Ժողովի

-Հ.Յ.Դ. 33-ՐԴ Ընդհանուր ժողովը աւարտեց իր աշխատանքները