Մինաս Տեր Մինասյան - Ռուբեն
27 Նոյեմբեր , 1951
Ծնվել է Ախալքալաքում: Հաճախել է Էջմիածնի Գևորգյան ճեմարանը, ապա՝ Մոսկվայի Լազարյան վարժարանը՝ որպես ազատ ունկնդիր:
Ռուս բանակի սպա: Որպես Հ.Յ.Դ. գործիչ թրծվել է Կարսում, անցել է Վան՝ Արամի մոտ, ապա Սասուն՝ օգնելու Գևորգ Չաուշին, որի նահատակությունից հետո Ռուբենը եղել է դաշնակցական ուժերի պետ։
Սահմանադրության շրջանում անցել է Ժնև՝ ուսումը շարունակելու. Ռուբենը գիտական իր ավարտաճառն էր պատրաստում, երբ հեռագրով կանչում են Երկիր:
Վերադարձել է Մուշ ու վարել է Սասնո 1915-ի հերոսամարտը թուրք բանակի դեմ: Ռուբենին հաջողվել է ճեղքել թշնամու շղթան ու փոքր խմբով անցնել Կովկաս:
Հայոց Ազգային Խորհրդի անդամ, ապա՝ Հայաստանի խորհրդարանի, Հայաստանի առաջին Հանրապետության ժամանակ զինվորական նախարար: Խորհրդայնացումից հետո Զանգեզուրով անցել է Պարսկաստան:
Ռուբենի հուշերի 7 հատորը պատմական արժեք են. Դրանով փրկվել են բազմաթիվ ֆիդայինների անուններն ու գործերը:
Մահացել է Ֆրանսիայում՝ 69 տարեկանում։