Մանոյանը շեշտեց, որ այս հայտարարությունները պետք է լսեին Բաքվում, եւ լսվել են: «Դավիթ Տոնոյանը Բաքվի իշխանություններին ցույց տվեց, որ «տարածքներ խաղաղության դիմաց» ձեւակերպումը, որն առաջացել է Լեւոն Տեր-Պետրոսյանի իշխանության ժամանակ, այլեւս արդիական չէ», – եզրափակեց ՀՅԴ ներկայացուցիչը:

Հիշեցնենք, որ Հայաստանի պաշտպանության նախարար Դավիթ Տոնոյանը Նյու-Յորքի հայ համայնքի ներկայացուցիչների հետ հանդիպման ժամանակ իր պատրաստակամությունն էր հայտնել նոր ադրբեջանական ագրեսիայի դեպքում «տարածքներ խաղաղության դիմաց» սկզբունքը վերաձեւակերպել որպես «նոր պատերազմ նոր տարածքների համար» սկզբունքի:

Պետերբուրգի եւ Վիեննայի համաձայնագրերը հայկական կողմին որոշակի երաշխիքներ են տալիս, սակայն միայն երկարաժամկետ հեռանկարում,- ասաց Կիրո Մանոյանը՝ գնահատելով մարտի 29-ին կայացած Նիկոլ Փաշինյանի եւ Իլհամ Ալիեւի բանակցությունների արդյունքները:

Նրա խոսքով, նախկինում ձեռք բերված Պետերբուրգի եւ Վիեննայի համաձայնագրերը որոնց մասին այժմ չի խոսվում, որոշակի երաշխիքներ կպահպանեին, որ Ադրբեջանը կշարունակի պահպանել ներկայիս դիրքորոշումը:

Մանոյանը նշեց, որ մարտի 29-ի հանդիպումից հետո կրկին հայտարարվել էր Դուշանբեում ձեռք բերված պայմանավորվածությունների մասին, սակայն ոչ մի խոսք չի հնչել Վիեննայում եւ Սանկտ Պետերբուրգում ձեռք բերված պայմանավորվածությունների մասին:

«Եվ եթե Բաքուն կրկին խախտի հրադադարի ռեժիմը, ապա խախտողին հայտնաբերող մեխանիզմներ չկան: Ստացվում է, որ այդ համաձայնագրերի դրույթներին հետեւելը մեզ համար արդիական է երկարաժամկետ հեռանկարում»:

Կիրո Մանոյանը հավելեց, որ հաշվի առնելով, որ Ադրբեջանի իշխանությունների մոտեցումները չեն փոխվել, չի բացառվում ռազմական գործողությունների վերսկսումը, ուստի այդ երաշխիքները կարեւոր են:

Ղարաբաղյան կարգավորման մադրիդյան սկզբունքները հնացել են,- հայտարարեց Կիրո Մանոյանը` մեկնաբանելով Վիեննայում Նիկոլ Փաշինյանի եւ Իլհամ Ալիեւի բանակցությունների արդյունքները:

Նրա խոսքով՝ Իլհամ Ալիեւին ձեռնտու չէ համանախագահների կողմից այդ սկզբունքների լրացուցիչ մեկնաբանությունը, մյուս կողմից հայկական կողմը նույնպես առանձնապես հետաքրքրություն չի ցուցաբերում դրանց նկատմամբ:

Այս ամենն արտահայտվել է ՀՀ վարչապետ Վլադիմիր Կարապետյանի մամուլի քարտուղարի հայտարարությունում այն մասին, որ դրանց մասին չեն խոսում ոչ համանախագահները, որ Բաքվի իշխանությունները, ոչ հայկական կողմը: Բացի այդ ՀՀ ԱԳ նախարարը նաեւ հայտարարել է, որ դրանց վերաբերյալ ոչ մի կոնկրետ բանակցություններ չեն անցկացվել», – նշեց նա:

Մանոյանը դրական փաստ անվանեց հանդիպման արդյունքների գնահատականները ինչպես ԵԱՀԿ ՄԽ համանախագահների, այնպես էլ Ադրբեջանի եւ Հայաստանի առաջնորդների կողմից:

Բացի այդ հայտարարվել էր բանակցային գործըթացը ԱԳ նախարարների մակարդակով շարունակելու պատրաստակամության մասին:

ՀՅԴ ներկայացուցիչը նշեց, որ բանակցությունների արդյունքներով Նիկոլ Փաշինյանը ստիպված է եղել լրացուցիչ բացատրություններ տալ, ինչը կարող է վկայել չլուծված խնդրահարույց հարցերի մասին: «Էական փոփոխություններ չկան, բացի այն, որ Հայաստանը ներկայացնում է նոր առաջնորդ եւ այն, որ նա ավելի ակտիվորեն է խոսում բանակցային գործընթացում Ղարաբաղին ներգրավելու անհրաժեշտության մասին», – բացատրեց նա:

Կիրո Մանոյանը հավելեց, որ բանակցությունների ձեւաչափը, որի մասին շատ է խոսվում, բանակցային գործընթացի ամենակարեւոր ասպեկտներից մեկն է եւ այն փոխելու համար պետք է պայմաններ ստեղծել, որոնցով Ղարաբաղը կներգրավվի գործընթացում:

«Առանց Ղարաբաղի մասնակցության բանակցային գործընթացը արդյունավետ չի լինի: Դրա համար բանակցային գործընթացին զուգահեռ անհրաժեշտ է նաեւ աշխատանք տանել խորհրդարանական դիվանագիտության մակարդակով», – կարծում է քաղաքական գործիչը:

Նա կրկին հնչեցրեց իր կուսակցության դիրքորոշումը, որը կարեւոր է համարում Հայաստանի եւ Ղարաբաղի միջեւ ռազմաքաղաքական համաձայնագրի ստորագրումը: «Չնայած նրան, որ դա կարող է ԵԱՀԿ Մինսկի խմբի համանախագահների դժգոհությունն առաջացնել, այս հարցում միասնական մոտեցման առկայությունը կարեւոր գործոն է Ադրբեջանի քաղաքականությանը դիմակայելու գործում», – ասաց Կիրո Մանոյանը:

Պատասխանելով NEWS.am-ի թղթակցի հարցին այն մասին, թե ինչ կարող է նշանակել հանդիպման արդյունքներով հումանիտար համագործակցության մասին արված հայտարարությունը, Կիրո Մանոյանը նշեց, որ իրականում դա Բաքվի հերթական քարոզչական քայլն է, եւ չի կարելի սպասել որոշակի լուրջ գործողությունների: