ՀՅԴ Արևմտյան Ամերիկայի երիտասարդական միությունը ճամբարներ է կազմակերպելու ՀՀ Շիրակի մարզի Գյումրի, Արթիկ, Մեծ Մանթաշ համայնքներում, ինչպես նաև Արցախում: Նախատեսվում է, որ ընդհանուր առմամբ միայն Արևմտյան Ամերիկայից ժամանած դաշնակցական երիտասարդների կազմակերպած պատանեկան ճամբարներին կմասնակցեն շուրջ 1500 պատանի:

Ամռան ամիսների ընթացքում Դաշնակցության աշխարհասփյուռ կազմակերպության երիտասարդական միությունների կողմից Հայաստանի և Արցախի տարբեր համայնքներում կազմակերպվելու են տասնյակ պատանեկան ճամբարներ, որոնք ընդգրկելու են հազարավոր պատանիների: Ճամբարների նպատակն է Հայաստանի պատանիների համար ընկալելի և ճանաչելի դարձնել սփյուռքահայ երիտասարդությանը, պատանիներին փոխանցել ազգային արժեհամակարգին, մշակույթին և պատմությանը վերաբերող հիմնավոր գիտելիքներ, քաղաքացիական գիտակցություն և ամրապնդել սերն ու նվիրումը առ հայրենիք: