Կողմերն անդրադարձան Հայաստանի ներքաղաքական կյանքի զարգացումներին, իրենց մտահոգությունը հայտնեցին երկրի արտաքին եւ ներքին ճակատներում առկա մարտահրավերների առնչությամբ՝ անընդունելի համարելով ազգային պետական ուղեգծից շեղման տեսանելի միտումները։

Երկու կուսակցությունների կարծիքով էլ անթույլատրելի են երկրում տիրող անհանդուրժողականության մթնոլորտը եւ հատկապես Արցախի շուրջ ազգային միասնականության ոգին ջլատող դրսեւորումները։

Կողմերը քննարկեցին նաեւ ազգային պետական շահերից բխող միասնական օրակարգերի ձեւավորումն ու նրանց շուրջ համագործակցության հնարավորությունը։