ՀՅԴ Արցախի ԿԿ-ի անդամներ Սերգեյ Շահվերդյանի և Աշոտ Պետրոսյանի հետ հանդիպման ժամանակ ԶՈՄ-ի անդամները ներկայացրել են Մարտունիում ընթացող ճամբարի ընթացքը, քննարկել ճամբարների արդյունավետությունը բարձրացնելու հարցը:

ՀՅԴ Արցախի ԿԿ անդամները, ողջունելով պատանիների ամառային առօրյան հագեցնող և ուսուցողական բնույթ ունեցող ճամբարների անցկացումը Արցախում, կարևորել են հատկապես դրանց կազմակերպումը շրջաններում:

Հրագ Կարամինասյանի խոսքով՝ այս տարվա ճամբարը տարբերվում էր նախորդ տարիներից: Երեք շաբաթ տևողությամբ անցկացվող ճամբարը փորձնական է և ցանկալի արդյունքի հասնելու դեպքում այդ մեթոդը կկիրառեն հետագայում:

ԶՈՄ-ականները նույն օրը ընկերական զրույց են ունեցել ՀՅԴ Արցախի երիտասարդական միության մի խումբ անդամների հետ:

Հանդիպումների վերջում ԶՈՄ-ի անդամները ՀՅԴ Արցախի ԿԿ-ին և ՀՅԴ ԱԵՄ-ին հուշանվերներ են փոխանցել:

Տ.Ա.
aparaj.am