Ըստ նրա՝ պատվիրակները քաջատեղյակ են հայ ժողովրդի պատմությանը և եկել են պետականության կառուցման գործում իրենց զորակցությունը հայտնելու նաև Արցախի ժողովրդին:

«Կան հյուրեր, որոնց անձնական ներդրումը Հայ դատի արծարծման գործում իրապես ուշագրավ է: Այստեղ է Չիլիի դեսպանը, որի ջանքերի շնորհիվ 2007 թվականին Չիլիի Սենատը ճանաչեց Հայոց ցեղասպանությունը»,- ասաց Նալբանդյանը:

Մեր զրուցակիցն ընդգծեց՝ այստեղ են նաև իրավաբաններ, պրոֆեսորներ, մտավորականներ, որոնքր այսօր իրենց երկրներում Արցախի հարցի արծարծման գլխավոր դերակատարներն են:

https://youtu.be/ibcaBoDKLDg

Nunca mas, կամ՝ այլևս երբեք. կոլումբացի լրագրողի համար Ծիծեռնակաբերդը մեծ խորհուրդ ու պատգամ ունի

Ամենատպավորիչը բանը, որ զգացել եմ, հուշահամալիր այցելելով, այն է, որ Ցեղասպանության զոհերի, նահատակների արժանապատվությունը կարող է վերականգնվել. Ծիծեռնակաբերդում Հայոց ցեղասպանության զոհերի հիշատակին հարգանքի տուրք մատուցելուց հետո Yerkir.am-ին ասաց կոլումբացի լրագրող Մարիա Խիմենա Դուսանը, որն այստեղ է «Համագործակցություն հանուն արդարության և խաղաղության» խորագրով՝ Արցախի բարեկամների համաժողովին մասնակցելու նպատակով:

«Ցեղասպանության ենթարկված յուրաքանչյուր ժողովուրդ պետք է վերականգնի իր նահատակների հիշատակը: Այս հուշահամալիրը հենց սա է խորհրդանշում: Նաև մեկ այլ ուժեղ պատգամ ունի, որը կցանկանայի արձանագրել. իսպաներենով հնչում է՝ nunca mas, կամ՝ այլևս երբեք: Որևէ ոճիր կամ չար գործ չպետք է անպատիժ մնա»,- ասաց նա:

https://youtu.be/Od5WXanjaqs