Հուլիսի 8-ին Հրապարակ TV առցանց հեռուստաալիքի հյուրն էր ՀՅԴ Հրայր Մարուխյան հիմնադրամի տնօրեն Շաղիկ Մարուխյանը: Հաղորդման ընթացքում նա խոսել է հիմնադրամի ստեղծման պատմություն ու անցած ճանապարի, ինչպես նաև առաջիկա անելիքների մասին: «Մեր նպատակն է եղել հայ երիտասարդներին հասու դարձնել ազգային արժեքներին և ընկերվարության գաղափարախոսությանը, ինչպես նաև ապահովել քաղաքական, սոցիալական, կրթական ոլորտներում ՀՀ քաղաքացիների պատրաստվածության անհրաժեշտ մակարդակն ու նրանց ակտիվ մասնակցությունն այդ ոլորտների զարգացման գործում»,- Նշել է Շաղիկ Մարուխյանը՝ խոսելով հիմնադրամի առջև դրված խնդիրների մասին:

Պատասխանելով ճշտող հարցին, թե չի՞ կարող, արդյոք, տպավորություն ստեղծվել, որ ՀՅԴ հարկի ներքո գործող հիմնադրամը ծառայում է կուսակցության քարոզչական աշխատանքներին՝ Շաղիկ Մարուխյանը մասնավորապես նշել է. «Քարոզչական առաքելություն, որպես այդպիսին, հիմնադրամը չունի: Այո, այն ստեղծվել և ֆինանսավորվում է Հայ Յեղափոխական Դաշնակցության կողմից, բայց ոչ այսրոպեական քաղաքական հարցեր սպասարկելու նպատակով: Հիմնադրամը քարոզչամիջոց չէ, այն ապահովում է դաշնակցության գաղափարախոսության և դավանած արժեքների տարածումը հանրության շրջանում»:

Մանրամասները՝ տեսանյութում: