ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը Ֆրանսիայի հրապարակում այսօր, մայիսի 30-ին հանդես է եկել ճեպազրույցով։ Նա անդրադարձել է Կառավարության 3-րդ մասնաշենքի մոտ տեղի ունեցած միջադեպին․ ոստիկաններն ակցիաների ժամանակ աչքի են ընկել անհմաչափ ուժի կիրառմամբ, նրանք բռնություն են կիրառել նաև պատգամավորների նկատմամբ, քաշքշել են նրանց, պատառոտել հագուստը: Կան նաև հիվանդանոց տեղափոխված քաղաքացիներ:

Գնացել ենք կառավարության 3-րդ մասնաշենք, շատ քաղաքակիրթ կերպով ասել ենք, որ ոչ մի շենք չենք շրջափակում, պատգամավորները պետք է բարձրանան նախարարության շենք, հանդիպեն նախարարներին եւ ասեն՝ այս փաստաթղթի վերաբերյալ դիրքորոշում հայտնեն. Բայց քանի որ չունեն դիրքորոշում, կամ այդ դիրքորոշումը շատ նման է Ալիեւի դիրքորոշմանը, եւ այդքան համարձակություն չունեն հակադրվելու Նիկոլին կամ հակադրվելու ժողովրդին, գերադասեցին ոստիկանական ուժերով օրենքի պահանջներին դեմ գնալ եւ թույլ չտալ, որ պատգամավորները բարձրանան շեն․ նշեց Իշխան Սաղաթելյանը՝ շեշտելվ, որ տեղի ունեցածը խայտառակություն է:

«Սա խայտառակություն է, ինչո՞ւ եք այդքան վախեցել, արա՛: Իրենք «արա» են ու իրենց այդպես են պահում։ Ունենք մի քանի հարյուր բերման ենթարկված, կիրառվել է խայտառակ բիրտ ուժ, այդ թվում պատգամավորների նկատմամբ՝ ամենալկտի, այլանդակ ձեւով: Ու հիմա էլ փորձ են անում բերման ենթարկված տղերքի վրա գործ հարուցեն: Այսինքն փոխանակ ոստիկանության ապօրնի գործողությունների դեմ գործ հարուցվի, հարուցվում է այն քաղաքացիների նկատմամբ, որոնք ընդամենը ասում էին՝ պատգամավորները պետք է հանդիպեն նախարարների հետ»,–ասաց նա։

«Հայտարարում ենք, որ սա նախընտրական հավաք չի, կուսակցական պայքար չէ, համազգային շարժում է հանուն Արցախի ու Հայաստանի»,-ասաց Իշխան Սաղաթելյանը:

Մանրամասները՝ տեսանյութում

https://youtu.be/Har-I4aHydw

Կարեւորը՝ Իշխան Սաղաթելյանի ճեպազրույցից

-Խայտառակ բիրտ ուժի կիրառմամբ ոստիկանությունը մի քանի հարյուր քաղաքացու է բերման ենթարկել։ Հիմա փորձում են նրանց վրա գործ հարուցել։

– Կարմիր բերետավորները խփել են պատգամավորներին․ ակնհայտ է, որ նրանց մեջ կան ոստիկանական համազգեստով հանցագործներ, ովքեր շատ հստակ հանձնարարություն են ունեցել։

-Ժողովրդավարության բաստիոնից խոսացող իշխանությունն արգելում է ընդդիմադիր պատգամավորների մուտքը կառավարության շենք։

-Մենք հստակ ասել ենք․ ով դեմ է մեր ներկայացրած փաստաթղթին, ուրեմն կողմ է Ալիևի՝ Հայաստանն ու Արցախը կործանելու ծրագրին։

-Սա իշխանության հարց չէ, նախընտրական հավաքներ չեն, սա համաժողովրդական շարժում է հանուն Հայաստանի և Արցախի։

-Մեր պայքարն անկասելի է, մինչև վերջին շունչ պայքարելու ենք, լինելու ենք այլ հաստատություններում․ Նիկոլը Հայաստանում իշխանություն չունի։

-Հունիսի 3-ը իշխող ուժի քաղաքական գերազմանն է լինելու, դրանից հետո ՔՊ-ի բոլոր փաստարկները դառնալու են անիմաստ։

-Մենք պետք է այս պայքարը դարձնենք համահայաստանյան ու վերջնական վռնդենք սրանց․ այլ ճանապարհ չկա։

-19։30-ին կհավաքվենք Ֆրանսիայի հրապարակում, կլինի աշխատանքային զրույց քաղաքացիների հետ։ Վաղն առավոտյան կվերսկսվեն ակցիաները, իսկ երեկոյան կլինի հավաք ու երթ։