ԱԶԴ

Լույս է տեսել «Վէմ» հանդեսի 2022 թ. 4-րդ համարը, որի «Խմբագրականը» անցած տարվա ընթացքում Հայաստանի շուրջը ծավալված բուռն զարգացումների խորքը թափանցելու և դրանց արդյունքներն ամփոփելու միջոցով 2023-ին սպասովող մարտահրավերները կանխատեսելու տարեվերջյան փորձ է։

Նույն նպատակով հաջորդ՝ «Հիմնաքարեր» բաժնում տպագրված երիտասարդ փիլիսոփա Դավիթ Ռ. Մոսինյանի «Խաղաղությունը որպես պատում և իրողություն» գիտական ուսումնասիրությունը հիմնավորապես հերքում է պատերազմի ու խաղաղության հարաբերակցության վերաբերյալ մեր հանրության շրջանում տարածվող թյուր պատկերացումները և ցույց է տալիս իրական խաղաղությանը հասնելու ուղիները։

«Վէմ» հանդեսը չէր կարող շրջանցել վերջերս լրացած ԽՍՀՄ կազմավորման 100-ամյակը, բայց այդ առիթով լույս տեսած Արարատ Մ. Հակոբյանի ուսումնասիրությունը Հայաստանի անկախության կորստյան 1920-1922 թթ. բարդ գործընթացի համակողմանի քննության միջոցով որևէ տեղ չի թողնում նույնը ևս մեկ անգամ կրկնելու փորձերի համար։

Լեզվաբան Սարգիս Ռ. Ավետյանի կողմից Սուրբ գրքի հունարեն բնագրի համեմատությամբ իրականացված՝ «Աստվածաշնչում հին հայերենի ստորադասական եղանակի կիրառությունների քննություն» լեզվաբանական ուսումնասիրությունը, Արամ Գ. Ալեքսանյանի «Գոյաբանության մտակարգումը՝ ըստ Հովհաննես Թումանյանի» խորքային վերլուծությունը մեզ տալիս են մինչ օրս չուսումնասիրված, բավականին բարդ հարցերի գիտական պատասխանները։ Իսկ գրականագետ Ալա Ա. Խառատյանի «Թռչունի այլաբանությունը միջնադարյան հայ տաղերգության աշխարհիկացման հիմքում» հոդվածն ընդհակառակը՝ հերքում է Հովհաննես Սարկավագի ու Մկրտիչ Նաղաշի պոեզիայի ակունքների մասին մեզանում առկա պատկերացումները։

ՀՀ Ազգային արխիվի աշխատանքների ընդհատման պատճառով 2022 թվականին այդպես էլ չհաջողվեց ավարտել Քրիստափոր Միքայելյանի ու ՀՅԴ Բաքվի կամ «Ոսկանապատի» կազմակերպության գործունեության մասին նոր հայտնաբերված փաստաթղթերում առկա ծածկագրված անձնանունների վերծանությունը, ուստի այն լույս կտեսնի մեր հանդեսի 2023 թվականի առաջին համարում։

__________________________________________________________

ԲՈՎԱՆԴԱԿՈՒԹՅՈՒՆ

ԽՄԲԱԳՐԱԿԱՆ
ԼՈՒՍԱԲԱՑԻՑ ԱՌԱՋ ԽԱՎԱՐԸ ԹԱՆՁՐԱՆՈՒՄ Է

ՀԻՄՆԱՔԱՐԵՐ
Դավիթ Ռ. Մոսինյան
ԽԱՂԱՂՈՒԹՅՈՒՆԸ ՈՐՊԵՍ ՊԱՏՈՒՄ ԵՎ ԻՐՈՂՈՒԹՅՈՒՆ

ՊԱՏՄՈՒԹՅՈՒՆ
Գևորգ Ս. Խուդինյան
ՀՅ ԴԱՇՆԱԿՑՈՒԹՅՈՒՆԸ ԱՌԱՋԱՎՈՐԱՍԻԱԿԱՆ ԵՎ ԱՐԵՎԵԼԱԵՎՐՈՊԱԿԱՆ ԵՐԿՐՆԵՐԻ ՔԱՂԱՔԱԿԱՆ ՀԱՄԱԿԱՐԳԵՐՈՒՄ 19-ՐԴ ԴԱՐԻ ՎԵՐՋԵՐԻՆ-20-ՐԴ ԴԱՐԻ ՍԿԶԲՆԵՐԻՆ
Մաս երկրորդ։ ՀՅԴ եվրոպական քարոզչությունը և
«Pro Arménia»-ի ծնունդը

Արարատ Մ. Հակոբյան
ԽՈՐՀՐԴԱՅԻՆ ՀԱՅԱՍՏԱՆԻ 1920-1922 ԹԹ. «ԱՆԿԱԽՈՒԹՅԱՆ» ՄԱՍԻՆ
ԽՍՀՄ կազմավորման 100-ամյակի առթիվ

ԳՐԱԿԱՆԱԳԻՏՈՒԹՅՈՒՆ
Ալա Ա․ Խառատյան
ԹՌՉՈՒՆԻ ԱՅԼԱԲԱՆՈՒԹՅՈՒՆԸ ՄԻՋՆԱԴԱՐՅԱՆ ՀԱՅ ՏԱՂԵՐԳՈՒԹՅԱՆ ԱՇԽԱՐՀԻԿԱՑՄԱՆ ՀԻՄՔՈՒՄ
(Հովհաննես Սարկավագից մինչև
Մկրտիչ Նաղաշ

Աշոտ Ն. Հայրունի
ՐԱՖՖԻՆ ԵՎ ԺՈՂՈՎՐԴԱԿԱՆ ԲԱՆԱՀՅՈՒՍՈՒԹՅՈՒՆԸ

ԼԵԶՎԱԲԱՆՈՒԹՅՈՒՆ
Սարգիս Ռ. Ավետյան
ԱՍՏՎԱԾԱՇՆՉՈՒՄ ՀԻՆ ՀԱՅԵՐԵՆԻ ՍՏՈՐԱԴԱՍԱԿԱՆ ԵՂԱՆԱԿԻ ԿԻՐԱՌՈՒԹՅՈՒՆՆԵՐԻ ՔՆՆՈՒԹՅՈՒՆ
Հունարեն բնագրի համեմատությամբ

Միրանուշ Է. Կեսոյան
ՊԱՏԿԵՐԱՎՈՐՄԱՆ-ԱՐՏԱՀԱՅՏՉԱԿԱՆ ՄԻՋՈՑՆԵՐԸ ՈՐՊԵՍ ՆԵՐԻՄԱՍՏԻ ԱՐՏԱՀԱՅՏՄԱՆ
ՈՃԱԿԱՆ ՀՆԱՐԱՆՔՆԵՐ
Քննություն նոր լույսի ներքո

ՓԻԼԻՍՈՓԱՅՈՒԹՅՈՒՆ
Արամ Գ. Ալեքսանյան
ԳՈՅԱԲԱՆՈՒԹՅԱՆ ՄՏԱԿԱՐԳՈՒՄԸ ԸՍՏ ՀՈՎՀԱՆՆԵՍ ԹՈՒՄԱՆՅԱՆԻ

ՄՇԱԿՈՒՅԹ
Լիլիթ Լ. Մանասերյան
20-ՐԴ ԴԱՐԻ ՀԱՅ ԲԵՄԱՆԿԱՐՉՈՒԹՅՈՒՆԸ
Որպես հասարակական
գիտակցության հայելի

ՀԻՇՈՂՈՒԹՅՈՒՆ
Հայկազ Ժ. Հովհաննիսյան
ՆԵՐՍԵՍ ԱՇՏԱՐԱԿԵՑԻ-ԻՎԱՆ ՊԱՍԿԵՎԻՉ
ՀԱԿԱՄԱՐՏՈՒԹՅԱՆ ՀԱՐՑԻ ՇՈՒՐՋ

ԳԻՏԱԳՈՐԾՆԱԿԱՆ
Արամ Ս. Սայիյան
ԹՈՒՐՔԱԿԱՆ ՀԵՏԱԽՈՒԶԱԿԱՆ ԿԱԶՄԱԿԵՐՊՈՒԹՅՈՒՆՆԵՐՆ ՈՒ ԽՄԲԵՐԸ ՔԵՄԱԼԱԿԱՆ ՇԱՐԺՄԱՆ ՏԱՐԻՆԵՐԻՆ
(1919-1923 ԹԹ.)

ԳՐԱԽՈՍՈՒԹՅՈՒՆՆԵՐ
Հովիկ Բ. Գրիգորյան
Ռոստոմի անտիպ նամակները։ Հրատարակութեան պատրաստութիւն, խմբագրութիւն եւ ծանօթագրութիւններ՝
Երուանդ Փամպուքեանի

ՀԱՎԵԼՎԱԾ
Մարինե Դ. Ղազարյան
ՏԵՂԱԳՐԱԿԱՆ ՊԱՏԿԵՐՆԵՐԸ
ՀԱԿՈԲ ՄՆՁՈՒՐՈՒ ՊԱՏՄՎԱԾՔՆԵՐՈՒՄ