Այսօր ՀՅԴ Բյուրոյի Երիտասարդական գրասենյակը ՀՅԴ «Սիմոն Վրացյան» կենտրոնում հանդես է եկել մամուլի ասուլիսով, ամփոփել փետրվարի 6-10-ը կայացած ՀՅԴ Երիտասարդական համագումարի արդյունքները։

ՀՅԴ երիտասարդականը հանձնառու է արմատախիլ անել հարմարվողականությունն ու պարտողականությունը մեր երիտասարդության շրջանակներում. հայտարարեց ՀՅԴ Բյուրոյի Երիտասարդական գրասենյակի ներկայացուցիչ Ցողիկ Աշըգյանը:

«Խաբկանք է այն կարծիքը, որ առանց Արցախի հնարավոր է խաղաղ ապրել Հայաստանում: ՀՅԴ երիտասարդականը շարունակում է պայքարը բոլոր ապազգային իշխանությունների դեմ, եւ խանգարելու է իրենց քաղաքականությունները, արգելք է հանդիսանում Հայաստանի թրքացման իրենց ծրագրերի առջեւ»,-ասաց նա:

Ցողիկ Աշըգյանի խոսքով, Արցախի հարցը Հայ դատի կարեւոր հանգրվաններից մեկն է. «Եթե այսօր Արցախին չտրվեց այն, ինչ նա պահանջում է՝ արդարություն եւ իր իրավունքները ուպես հանրապետություն, մենք չունենք հնարավորություն շարունակելու Հայ դատի պայքարը, որովհետեւ մի օղակը մյուսին լրացնում է»:

Մենք ամիսներ առաջ էինք նախատեսել այս համագումարի կազմակերպումը, բավականին աշխատել ենք ծրագրի մշակման մեջ։ Շատ զգույշ էինք, որ հայրենիքի այս դժվար ժամանակներում ինչքան հնարավոր է մեր գաղափարակից ընկերներին ներգրավեինք այն աշխատանքներին, որոնք տեղի ունեցան. ասուլիսի ժամանակ ասաց Սիրիայի ՀՅԴ բյուրոյի երիտասարդական խորհրդի անդամ, պատանեկան հանձնախմբի պատասխանատու Մարիա Գաբրիելյանը։

«Կարևոր նախագծեր մշակեցինք, ռազմավարություն ճշտեցինք ներքին կազմակերպչական, երիտասարդականին, ուսանողականին, պատանեկանին առնչված ուղեցույցների հայեցակարգի մշակումներ իրականացրեցինք, ինչպես նաև հայրենիքին առնչված նախագծեր ստեղծեցինք։ Բավական լուրջ էր համագումարի մասնակիցների մոտեցումը, ինչպես նաև կազմակերպչական աշխատանքը։ Մտավախություն չունեինք մոտեցումների կամ վերաբերմունքի համար, բայց հաստատեցինք այս մի քանի օրվա համագումարի ժամանակ, որ ինչ աշխատանք տարել ենք տարիներն ի վեր նույն ուղղությունը բռնել ենք, թե՛ Սփյուռքի մեջ, թե՛ հայրենիքի։ Մտավախություն չունենք ազգասեր և հայրենասեր սերունդներ չունենալու առնչությամբ։ Այդ ուղղությամբ տարիների աշխատանքը իզուր չէ։ Հայրենիքի այս դժվար օրերին՝ պատրաստակամությունը գալ օգտակար դառնալու համար շատ ոգևորիչ էր։ Այլևս այդ միտքը, որ անտարբերություն է երիտասարդության մոտ ընդհանրապես դուրս եկավ մեր մտքից»,- ասաց նա։

Նրա խոսքով՝ իրենք բոլորը միանման էին մտածում հանուն հայրենիքի բարօրության, հանուն իրենց հետապնդած նպատակների իրականացման։

Ինչպես գիտեք ՀՅԴ-ի համաշխարհային երիտասարդական ամբողջ կառույցը հայ իրականության մեջ եզակիներից է, քանի որ, պետք է նաև ասեմ ցավալիորեն, նման ազգայի կառույցները և ազգային միավորները շատ ավելի քիչ են այս պահին, Դաշնակցությունը եզակի է իր համաշխարհային երիտասարդական կուռ կառույցով. ասաց ՀՅԴ Հայաստանի երիտասարդական միության անդամ, Սյունիքում ՀՅԴ երիտասարդական գործիչ Գոռ Մաթևոսյանը։

«Հնրավարություն ունեցա ՀՅԴ Բյուրոյի Երիտասարդական գրասենյակի նախաձեռնությամբ իրականցել համագումար երիտասարդության հարցերով, ներմիութենական, Արցախի հիմնախնդիրների նաև մտահոգությունների վերհանման ամբողջական երիտասարդական միությունների հնարավորությունները չափելով, թե որքանով ենք մենք կարողանում մեր հնարավորությունները ներդնել Արցախի և Սյունիքի մեջ։ Բոլորիս համար գաղտնիք չէ, որ և՛ Արցախը, և՛ Սյունքը վտանգված են և շատ կարևոր համարվեց, որ այս համագումարն անցկացվի Սյունիքում։ Կրկին անգամ վերանորոգեցինք մեր գաղափարը, որ մեր ամբողջ կառույցը՝ իր բոլոր կարողականությունները ներդնելու է Սյունիքի և Արցախի մեջ»,- ասաց նա։

Նրա խոսքով՝ բոլորի համար գաղտնիք չէ, որ վերջին շրջանում ՀՅԴ երիտասարդությունը պայքարի առաջնագծում է եղել, բոլոր այն պայքարների, որոնք եղել են ազգայինի դեմ, Արցախի դեմ, մեր շահերի դեմ և ինչպես գիտենք նաև ՀՅԴ ամբողջական կառույցը նույն կերպ Սփյուռքում իր բոլոր ջանքերն է ներդրել այդ ապազգային երևույթների դեմ պայքարելու համար:

Ըստ ՀՅԴ Ամերիկայի Արևմտյան շրջանի Երիտասարդական Միության կենտրոնական վարչության անդամ Ալեքս Մանուկյանի՝ այս համագումարը շատ կարևոր և ոգևորիչ ժողով էր մեր կառույցներում և ընդհանրապես հայ երիտասարդության համար։ Սփյուռքի համար Արցախը և մեր հայրենական հողերի վերականգնման հարցերը միշտ եղել են և պետք է մնան առաջնահերթություն;

«Միշտ Սփյուռքը պետք է վառ պահի արժանապատիվ ազգային օրակարգները մեր շրջանների մեջ և ինձ համար շատ տպավորիչ էր տեսնել, որ մեր Սփյուռքի երիտասարդ ղեկավարները նույն օրակարգով էին շարժվում և հայրենիքի երիտասարդները նույնպես։ ՀՅԴ-ն Գարեգին Նժդեհի շնչով պետք է շարունակի իր պայքարը և հաղթահարի այս շատ դժվարին օրրեը, որի միջով անցնում է հայ ազգն ու հայրենիքը։ Ինչպես ասեցի Սփյուռքը միշտ Արցախի և ազգային արժանապատիվ օրակարգերի թիկունքում կկանգի։ Մենք մինչև այսօր կշարունակենք և պետք է շարունակենք այս պայքարը հանուն Արցախի, հանուն Սյունիքի և հանուն ամբողջական Հայաստանի և ոչ մի բան չպետք է մեզ շեղի այս օրակարգից»,- ասաց նա։

Ասուլիսի մանրամասները՝ տեսանյութում