Այսօր՝ դեկտեմբերի 13-ին «Հայաստան» խմբակցության պատգամավորներ Սեյրան Օհանյանը եւ Արթուր Խաչատրյանը հանդես եկան մամուլի ասուլիսով:

Նրանք ամփոփեցին խորհրդարանական շաբաթը և պատասխանեցին լրագրողների հարցերին:

«Կարծում եմ, որ այսօր կրկնակի կործանարար է Արցախի համար, երբ ՀՀ իշխանությունները չունեն և հրաժարվում են ծրագիր կամ ռազմավարություն մշակել Արցախի ապագայի համար՝ փաստորեն հրաժարվելով Արցախից։ Այս քառօրյայի ընթացքում նրանք նաև հրաժարվեցին ընթացք տալ «Հայաքվե» քաղաքացիական նախաձեռնության օրինագծին, որով Քրեական օրենսգրքում լրացումներ էին նախատեսվում՝ հատուկ նորմով քրեորեն պատժելի արարք որակել ՀՀ անունից Արցախը որևէ պետության կազմում ճանաչելը և Հայոց ցեղասպանության ճանաչումից հրաժարումը կամ դրա վտանգավորության նսեմացումը»,-ասել է Սեյրան Օհանյանը:

Ըստ Սեյրան Օհանյանի՝ յուրաքանչյուր հայ այսօր գիտակցում է, որ Արցախի հարցը չի փակվել։ «Միայն անհայրենիք մեկը կարող է անիմաստ համարել Արցախի համար օգտագործված ժամանակն ու ռեսուրսները՝ ուրանալով այն փաստը, որ քառորդ դարից ավելի հենց Արցախն է եղել Հայաստանի ազատության, անվտանգության երաշխավորը, սահմանապահը։ Եվ Արցախյան ազատագրական պայքարը մեր նորօրյա պատմության ամենասուրբ մաքառումն էր։ Իսկ դա նշանակում է, որ այսօր պետք է շարունակել այդ պայքարը, քանի որ, խնդրում եմ ուշադրություն դարձրեք այս երեք կետերի վրա, հակամարտությունն ավարտված չէ, այն ավելի է խորացել, Ադրբեջանի հանցագործ գործունեությունն այն ավելի է սրել, և Ադրբեջանը դրա համար պետք է պատասխան տա։ Երկրորդ, Արցախը եղել է գործոն, և այսօր նրա սուբյեկտայնության պահպանման համար նրա բոլոր ինստիտուտները պետք է գործեն՝ ներառյալ ժողովրդի ճակատագրի եւ ժողովրդի հետ վերադարձի պայմանների լուծումը։ Եվ այս պարագայում բանակցությունները միջազգային հարթակում՝ ընդունված կամ որևէ ընդունելի նոր ձևաչափով, այլընտրանք չունեն։ Այս ռազմավարության պատասխանատուն ՀՀ և Արցախի Հանրապետության իշխանություններն են, առավելապես ՀՀ իշխանությունները, որոնք իշխանության գալու առաջին օրվանից վերցրել են իրենց վրա պատասխանատվությունը, իսկ հիմա կամաց-կամաց այդ պատասխանատվությունը գցում են Արցախի իշխանությունների կամ այլ մարդկանց վրա։ Սա նշանակում է, որ եթե նրանք հրաժարվեն որևիցե ռազմավարությունից, մեր բազմադարյան պատմության ընթացքում հենց նրանց ճակատին գրված է լինելու Արցախի հայաթափման փաստը»,- ասացՍեյրան Օհանյանը։

Արթուր Խաչատրյանի խոսքով՝ նոյեմբերի 9-ի փաստաթղթի ստորագրումից հետո, խախտելով այդ փաստաթղթի դրույթները, Ադրբեջանը հայ զինծառայողներ է գերեվարել, միջազգային կազմակերպությունների, տարբեր երկրների կոչերն արհամարհել է։

«Ապօրինի գերեվարված մարդկանց փոխանակում է երկու հանցագործի հետ, դրանից բացի քաղաքական զիջում է պահանջում Հայաստանից, և դա մի հատ էլ ցույց է տալիս որպես բարեգթության ժեստ։ Եվ այստեղ ինչ-որ մարդիկ այդ նույն երգը երգում են, որ՝ տեսեք, Ադրբեջանը զիջման գնաց, նշանակում է՝ մենք իր հետ կարող ենք խաղաղություն էլ կնքել»,- ասաց նա։

«7 օր է մարդկանց չի վեադարձնում պատկերցնո՞ւմ եք անունները կան, սպասողական վիճակ է, բայց սա ցույց է տալիս, որ Ադրբեջանի հետ որևէ համաձայնություն գալուց առաջ պետք է լինի համաձայնության ապահովման երաշխիք»:

«Խաղաղության պայմանագիրը խաղաղություն չի բերելու։ Իմ խորին համոզումով այն փաստաթուղթը, որն Ադրբեջանը պարտադրում է Հայաստանին, լինելու են շատ անորոշ ձևակերպումներ»,-ասաց Արթուր Խաչատրյանը։

Նրա խոսքով՝ այդ ձևակերպումները Բաքվին հնարավորություն կտան սեփական մեկնաբանություններով նոր պատերազմի առիթ ստեղծել։

«Ադրբեջանը Հայաստանի կողմից ցանկացած զիջումից հետո նոր զիջումներ է առաջ բերում, բայց ես կարծում եմ կամ գոնե հույս ունեմ, որ մնացած այս 17 օրերի ընթացքում որևէ փաստաթուղթ չի ստորագրվի»,-ասաց ընդդիմադիր պատգամավորը։

Անդրադառնալով հայ-ադրբեջանական բանակցությունների անցկացման վայրին վերաբերող հարցին՝ Խաչատրյանն ասաց. «Կարևոր չէ, թե սեղանը որտեղ է դրված, կարևորն այն է, թե այդ սեղանի շուրջ ով է նստած և ինչ է բանակցում։ Փաշինյանը ձախողել է բոլոր բանակցությունները, սկսած 2018 թվականից բոլոր բանկացություններին գնալով զիջումների»։

Նրա խոսքով՝ արևմտյան հարթակներում Փաշինյանը կատարել է ամենամեծ զիջումը՝ ճանաչելով Ադրբեջանի գերիշխանությունը Արցախի նկատմամբ՝ դրա համար չունենալով որևէ լիազորություն և խուսափում է ռուսական հարթակներում բանակցությունների գնալուց։

Հայտնելով, որ Ադրբեջանը պահանջում է տետ-ա-տետ բանակցություններ՝ ընդդիմադիր պատգամավորը՝ հայտնեց, որ ուժեղի և թույլի միջև նման ձևաչափով բանակցություն չի լինի, այլ կլինի պարտադրանք։

Մանրամասները՝ տեսանյութում

յցը