Ազգային ժողովի ընդդիմադիր «Հայաստան» և «Պատիվ ունեմ» խմբակցությունները Հայաստանում հավատարմագրված դեսպաներին, միջազգային կազմակերպությունների ներկայացուցիչներին հրավիրում են փակ հանդիպման։

«Հայաստան» խմբակցութան քարտուղար Արծվիկ Մինասյանը նշեց. «Դիմելու ենք այն բոլոր երկրների դեսպաններին, նաեւ միջազգային կազմակերպությունների ներկայացուցիչներին, որոնք ՀՀ-ում իրականացնում են, այսպես կոչված, բրեփոխումների ֆինանսավորում, ծրագրեր են հաստատել ժողովդրավարության, մարդու իրավունքների պաշտպանության, իրվունքի գերակայության եւ իրավական պետության ուղղությամբ: Հրավիրելու ենք փակ հանդիպման, որպեսզի անկաշկանդ զրույց լինի: Ուզում ենք իրենցից ստանալ հստակ պատասխան ստանալ՝ արդյոք իրենց կղմից ֆինանսավորվող բարեփոխումների ծրագրի վերջնարդյունքը ոստիկանապետության հաստատումն է՝ իր բոլոր դրսեւորումներով, քաղբանտարկյալներով սկսած, ավարտած պարզ քաղաքացիներին ուղղակի բռնության ենթարկելու գործիքակազմը գործադրելով»:

Ընդդիմադիր գործչի խոսքով, միջազգային կառույցների ներկայացուցիչների հետ հանդիպումներից իրենք տպավորություն են ստացել, որ նրանք չեն տիրապետում Հայաստանում ստեղծված իրավիճակին, կամ առնվազն կեղծ լուրերի տակ են, որոնք այս իշխանությունները փորձում են փոխանցել նրանց»:

Անդրադառնալով Կիրանցի դեպքերին, Արծվիկ Մինասյանն ասաց. «Ժողովրդական ընդվզումը հիմնված է ոչ թե այս կամ այն կուսակցական նպատակների հետ, այլ հայրենիքի պաշտպանության դիրքերից մարդկանց մտահոգող հարցերն են, որ օրակարգ են բերվել: Կիրանցում այսօր տեղի ունեցածը եւս մեկ անգամ ապացուցում է, որ եթե ժողովուրդն ամբողջությամբ չընդվզի այս ազգադավ իշխանությունների գործողությունների դեմ, սրանք Հայաստանից թողնելու են միայն Հ տառը կամ երկիրը դարձնելու են քպստան, կամ մի վիլայեթ թուրք-ադրբեջանական ինչ-որ իշխանության ներքո:

Այս պահին մեր պատգամավորները Կիրանցում են, հուսանք՝ կլինեն կոնկրետ հաղորդումներ հանցագործությունների մասին: Այդ հաղորդումները կտան նրանք, ում հանդեպ կիրառվել է բռնություն: Մարդիկ վնասվածքներ են ստացել: Անհամաչափ ուժ է կիրառվել մարդկանց նկատմամբ: Դա ակնհայտ է, քննարկելու բան էլ չկա»:

Մանրամասները՝ տեսանյութում

https://youtu.be/7GdyX1w_Nvk