Այսօր՝ հոկտեմբերի 25-ին ՀՅԴ Բյուրոյի քաղաքական ներկայացուցիչ, «Հայաստան» խմբակցության պատգամավոր Արմեն Ռուստամյանը հանդես է եկել մամուլի ասուլիսով:

Նա ամփոփել է խորհրդարանական շաբաթն ու պատասխանել լրագրողների հարցերին:

«ԱԺ վերջին նստաշարջանը երկար է հիշվելու և մնալու է մեր պատմության մեջ՝ ամենախայտառակ էջերի գրանցման առումով»,- նշել Արմեն Ռուստամյանը։

Նրա խոսքով՝ սահմանազատման հանձնաժողովը սահմանադրական նման լիազորություններ չունի, բայց նրա որոշումները ներկայացվում են ԱԺ հաստատման, իսկ փաստաթղթով չենք ունենալու սահման, այլ՝ սահմանազատման գործընթաց։

«Չի բացառվում, որ չունենալով ընդհանուր սահմանի մասին պատկերացում՝ այս սահմանազատումն ի վերջո վերածվի սահմանազիջման։ Սա բնականաբար առաջացնելու է շատ լուրջ խնդիր նաև հանրաքվեի հետ կապված, թե ինչու այն չի իրականացվում հանրաքվեով և այլն»,-ասել է Ռուստամյանը։

Նա շեշտել է, որ կանոնակարգի վավերացումն Ադրբեջանի հետ միասին սինքրոն պետք է արվեր, իսկ Բաքվում այդ ուղղությամբ որևէ գործընթաց չկա։

«Ներկայում, ըստ էության, հատված-հատված սահմանը ճշգրտվում է, մեկ էլ պարզվելու է, որ այդ ճշգրտվող հատվածներն, որ իրար կպցնենք, այդ ուրավգծվող սահմանը խախտելու է մեր տարածքային ամբողջականությունը»,-ասել է Ռուստամյանը և հարց տվեց, թե որտեղ է երաշխիքը, որ այդ կտորների կպցնելուց հետո առաջացած սահմանը կուրվագծի այն տարածքային ամբողջականությունը, որի մասին իշխանությունները հայտարարում են, այդ պատճառով էլ ընդդիմությունը հայտարարում է, որ կանոնակարգը լուրջ ական է պետականության տակ։

Բանախոսը հիշեցրել է, որ ՔՊ-ն նստաշրջանում ընդունեց Ընտրական օրենսգրքում փոփոխություն, որը հնարավորություն է տալիս կայացած ընտրությունների արդյունքները չեղյալ հայտարարել արտակարգ կամ ռազմական դրություն հայտարարելով և ենթադրեց, որ իշխանությունները ցանկանում են ամեն գնով պահել իրենց աթոռները՝ նաև իրենց համար անընդունելի ընտրության արդյունքները չեղյալ համարելով։

«Ամեն իշխանություն հեռացվելու է յուրովի և այս իշխանություններն էլ են հեռացվելու, հավերժ չեն»,-ասել է Ռուստամյանը։

«2018 թվականին եղելէ ժողովրդի ընդվզում և այն ժամանակ ՀՅԴ-ն այդ շարժման կողքին էր։ Բայց մենք բոլոր իշխանությունների հետ հարաբերվել ենք մեկ սկզբունքով՝ առաջադրել ենք հստակ նպատակներ և պայմաններ, եթե դրանք ընդունելի են եղել՝ մենք համագործակցել ենք բոլորի հետ։ Այդպիսի իրավիճակ առաջացել է նաև 2018 թ. Նիկոլ Փաշինյանի հետ և մենք իրեն առաջարկել ենք 5 պայման, որ ստեղծված իրավիճակն օգտագործի և երկիրն արագ տեմպերով զարգանա, դեպի մեր ազգային, պետական նպատակներ, խնդիրների լուծում, բայց այդ 5-ից ոչ մեկը չմնաց»,-նշել է Ռուստամյանը և շեշտել, որ համագործակցությունը տևել է մի քանի ամիս։

Ըստ Արմեն Ռուստամյանի՝ կա մի զանգված որը քաղաքական դաշտում բոլորից դժգոհ է, բոլորին սևացնում է, որպեսզի ինքը գա քաղաքական դաշտ, ինչը խանգարում է ընդդիմության պայքարին։

Անդրադառնալով խաղաղության փաստաթղթին՝ Ռուստամյանն ասել է. «Փաշինյանին օդ ու ջրի պես պետք է, որ հերթական խաբեությունը իրականացնի և նոր մանդատ ստանա։ Լրջագույն բախում կա մեծ գերտերությունների մեջ, ՀՀ իշխանությունը պետք է այնպես անի, որ այդ բախումը մեր վրա չկոտրվի»:

Մանրամասն՝ տեսանյութում։