Այսօր՝ հունվարի 23-ին «Հայաստան» խմբակցության քարտուղար Արծվիկ Մինասյանը հանդես եկավ մամուլի ասուլիսով:

Նա ամփոփեց խորհրդարանական շաբաթը և պատասխանել լրագրողների հարցերին:

«Ակնհայտ է, որ Հայաստանի ներկա իշխանությունները այդպես էլ չեն ընկալում աշխարհաքաղաքական զարգացումները, ադեկվատ չեն ներկա իրավիճակին, այլ տրամագծորեն հակառակ վարքագիծ են իրականացնում, աշխարհը հիմա շարժվում է ազգային շահերը առավելագույնս պաշտպանելու մոտեցումով, Հայաստանի օրվա իշխանությունը գնում է ազգային շահերը զիջելու, հանձնելու մոտեցումով, կեղծ հայտարարություններ անելով, թե գնում է խաղաղության»,- հայտարարեց Արծվիկ Մինասյանը՝ անդրադառնալով նոյեմբերի 9-ի պայմանավորվածությունների մասով ՌԴ-ի հիշատակմանը։

Ըստ Մինասյանի՝ աշխարհում ընթանում է ազգային շահերն առավելագույնս պաշտպանելու մոտեցում, սակայն ՀՀ իշխանություններն առաջնորդվում են դրանք զիջելու, հանձնելու մոտեցմամբ՝ «կեղծ տիտղոսային հայտարարություն անելով, թե գնում են խաղաղության։

Պատգամավոր խոսքով, իրականում այդ խաղաղության տակ թաքնված են ամենամեծ հնարավոր հանձնումները։

«Այն, ինչ անում է այսօրվա իշխանությունը, թե՛ նոյեմբերի 9-ի պարտավորությունների կամ իրավունքների իրացման անկարողության դրսևորմամբ, թե՛ եվրոպական հատվածի հետ հարաբերությունների շրջանակներում, թե՛ ձևական կեղծ հայտարարություն անելով, մի նատակ է հետապնդում՝ առավելագույնս պահպանեն իրենց իշխանությունն ու նեղ խմբային անվտանգությունը»,-ասաց նա։

Արծվիկ Մինասյանը ՀՀ-ի՝ ԵՄ-ին անդամակցության օրակարգը համարում է «կեղծ և արկածախնդրային»։

Նրա խոսքով՝ իշխանություններն արհեստական օրակարգ առաջ տանելու փոխարեն պետք է իրականացնեն այն նախագծերն ու նախաձեռնությունները, որոնք ամրագրված են 2017թ. ստորագրված Հայաստանի եւ ԵՄ-ի միջեւ ընդլայնված եւ համապարփակ գործընկերության համաձայնագրով։ Չէ՞ որ այս փաստաթղթի իրականացումը նախատեսում է լայնածավալ աշխատանք, ինչպես նաեւ բարեփոխումներ բոլոր ոլորտներում։ Ավելին, փաստաթուղթը Հայաստանը չի դնում աշխարհաքաղաքական ընտրության առջեւ։ «Սակայն դրա փոխարեն իշխանությունները մտցրել են թեմա, որը ներկա աշխարհաքաղաքական գործընթացների համատեքստում չափազանց վտանգավոր է եւ կարող է ունենալ սարսափելի հետեւանքներ։ Դա կարող է պառակտում առաջացնել հայ հասարակության մեջ, բացել լարվածության եւ առճակատման նոր օջախներ»,- նշեց Մինասյանը։

Պատգամավորի կարծիքով՝ սա ոչ այլ ինչ է, եթե ոչ իրավական անհեթեթություն։ Չէ՞ որ խորհրդարանի օրակարգում ընդգրկված փաստաթուղթն ամեն ինչ է, բայց ոչ օրենք։ «Այս ձեւով փաստաթուղթը չի համապատասխանում օրենքով սահմանված որեւէ չափանիշի։ Սա լավագույն դեպքում հայտարարություն է»,- ընդգծեց պատգամավորը։

Ընդդիմադիր դաշտում փոխադարձ ցեխարձակումները լավ բանի չեն բերում Արծվիկ Մինասյանը՝ անդրադառնալով ի պաշտպանություն Ռոբերտ Քոչարյանի՝ Սերժ Սարգսյանի դեմ ուղղված Անդրանիկ Թևանյանի հայտարարություններին։

«Ավելին՝ ես կարծում եմ, որ այսօր ո՛չ դրա ժամանակն է, ո՛չ էլ տեղը, որ փորձենք մեկը մյուսին մեղադրանքներ ներկայացնել, և եթե եղել են տարբեր ժամանակներում թերություններ ու սխալներ․․․ հիմա, երբ հայրենիքը կործանող քաղաքական ուժի հեռացման առաջնահերթությունն է դրված, բոլորս պետք է լծվենք այս կարևոր խնդրի լուծմանը։ Այդ խնդիրը պահանջում է նաև բոլոր ընդդիմադիր ուժերի կոնկրետ արժեքների շուրջ համաձայնությունը՝ պետություն, հայրենիք, մեր ազգային արժանապատվություն, համահայական համախմբում և դրա համատեքստում նաև առանց որևէ անձնական կենտրոնացվածության համախմբվել այս գաղափարն իրականացնելու հարցի շուրջ»,-ասաց նա։

Ըստ Արծվիկ Մինասյանի՝ ՀՅԴ-ն միշտ կողմ է եղել համախմբված և միասնական պայքարին։

Մանրամասները՝ տեսանյութում