Այսօր՝ փետրվարի 13-ին ԱԺ «Հայաստան» խմբակցության պատգամավոր Գեղամ Մանուկյանը հանդես եկավ մամուլի ասուլիսով:

Նա ամփոփեց խորհրդարանական շաբաթը և պատասխանեց լրագրողների հարցերին:

Գեղամ Մանուկյանըտեղեկացրեց, որ ԱԺ-ում Նիկոլ Փաշինյանի հայտարարության հիմքով ԱԱԾ տնօրեն Արմեն Աբազյանին հանցագործության մասին հաղորդում է ներկայացրել։

«Տեղեկացրել եմ, որ հարցուպատասխանի ժամանակ պատասխանելով Քրիստինե Վարդանյանի հարցին՝ Նիկոլ Փաշինյանը «Հայաստան» խմբակցությանը մեղադրել է ՀՀ-ի դեմ հիբրիդային պատերազմին մասնակցելու և խափանարարության մեջ, իսկ դա պարունակում է Քրեական օրենսգրքի 299 հոդվածի՝ տեսական դավաճանության տարրեր։ Նիկոլ Փաշինյանի բառացի արտասանված խոսքերը նամակում կցել եմ և ԱԱԾ տնօրենին հորդորել եմ ընդունել սա հաղորդում հանցագործության մասին, ընթացք տալ և տեղեկացնել ընթացքի մասին»,-ասաց նա։

Գեղամ Մանուկյանը շարունակեց. «Որպեսզի ամեն անպատասխանատու հայտարություն, ինչը Նիկոլ Փաշինյանը սիրում է անել այս վեց տարիներին, անպատասխան չմնա։ Տեսնենք՝ ՀՀ-ի դեմ հիբրդիային պատերազմ ո՞վ է անում, ո՞վ է օտար երկրների բառապաշարը ՀՀ-ում օգտագործում և ո՞վ է աշխատում հայ ժողովրդի դեմ»։

Անդրադառնալով Հայաստանի տարածքով ադրբեջանական բեռների փոխադրման հարցին՝ Գեղամ Մանուկյանը չբացառեց, որ հնարավոր է ՀՀ-ն Ադրբեջանին առաջարկել է առանց ստուգումների Հայաստանով բեռներ անցկացնել։

«Վերջերս մի արտահայտություն արեց Փաշինյանը, որ Ադրբեջանին այնպիսի առաջարկ են արել, որից Ադրբեջանը չի կարող հրաժարվել։ Դա ի՞նչ է նշանակում։ Ալեն Սիմոնյանն էլ երկու օր առաջ խոսում էր Ադրբեջանական բեռների անխափան փոխադրման մասին։ Երբ բացահայտ ասեն, թե ինչ են բանակցում, ինչ են բանավոր խոստացել, հետո միայն հստակ առարկայական կլինի պատկերացնել, թե ինչի մասին է խոսքը»,-ասաց նա՝ նշելով, որ տարիներ շարունակ խոստումներ են տվել, հետո դրանց մասին տեղեկացել ենք Ադրբեջանի նախագահից, հետո արդեն իրականություն են դարձել։

Դիտարկմանը՝ նա արդյո՞ք ակնարկում է, որ բեռներն առանց ստուգելու կանցկացնեն՝ արձագանքեց. «Չի բացառվում այդպիսի տարբերակ լինի, որովհետև Քաղպայմանագրի ներկայացուցիչների ձևակերպումից բխում է, որ ուղղակի ՀՀ-ն տեղյակ լինի ինչ է տեղափոխվում»։ Նա ավելացրեց․ «Ասենք տեղյակ է լինում, որ, օրինակ՝ տեղափոխում են միջուկային զենք, հետո ի՞նչ է լինելու»։

Մեղրիի փոխանակում, որ ասում են, նայում եմ դահլիճին, կեսը այդ տարիներին ծնված երեխաներ են եղել, ցավս դա է. ասաց Գեղամ Մանուկյանը՝ արձագանքելով ԱԺ նախագահ Ալեն Սիմոնյանի՝ այդ թեմային վերաբերող գրառումներին ու մեղադրանքների մասին հարցին։

Մանուկյանը նշեց, որ օգոստոս ամսին Քոչարյան-հայր Ալիև բանակցությունների երեք ժամ իրենք են գործընկերների հետ «ճռռացել» արևի տակ։

«Հիմա, որ հարցնես այդ ինչ բանակցություններ են, չեն էլ իմանա», – ասաց նա՝ նշելով, որ հուշաթերթիկում գրում, տալիս են։

Մեղրիի հարց, Քիվեսթի հարց, այդ ամբողջ պրոցեսի մեջ ես եղել եմ որպես Դաշնակցության Գերագույն մարմնի անդամ, տեսել եմ այդ ամենը։ Մեր գործընկեր Աննա Գրիգորյանը փայլուն ձևակերպեց՝ ասեց՝ եկեք ձեզ տանեմ Մեղրի, դուք էլ տարեք ձեր պահած Արցախ»,-ասաց Գեղամ Մանուկյանը:

Մանրամասները՝ տեսանյութում