Այսօր՝ ապրիլի 23-ին ՀՅԴ անդամ, «Հայաստան» խմբակցության պատգամավոր Քիրիստինե Վարդանյանը հանդես եկավ մամուլի ասուլիսով: Նա ամփոփեց խորհրդարանական շաբաթը և պատասխանեց լրագրողների հարցերին:

Չնայած նրան, որ հայտարարում են՝ համաձայնեցրել են փաստաթուղթը ու գնում են խաղաղության, Ադրբեջանն ավելի շատ է կրակում, քան մինչև այդ հայտարարությունը. ԱԺ ճեպազրույցների ժամին հայտարարեց Քիրիստինե Վարդանյանը՝ անդրադառնալով սահմանային լարվածությանը։

«Գերիները՝ Բաքվի բանտում, սահմանին ավելի շատ են կրակում, քան նրանից առաջ, երբ հայտարարել են, որ խաղաղություն անվանումով պայմանագիրը պատրատ է, ես այդպիսի խաղաղություն ուրիշ ոչ մի տեղ չեմ տեսել»,-ասաց Վարդանյանը։

Ըստ նրա Ադրբեջանը կրակում է, որովհետև վերջին 5 տարում սովորել է, որ սպառնալիքի լեզվով խոսելու դեպքում, այդ թվում նաև տեղեկատվական ահաբեկչական արշավներ իրականացնելու պարագայում ինքը ստանում է ավելին, քան կարող էր պատկերացնել։

«Ինքը, պարզապես, պատերազմի սպառնալիքով ստացել է տավուշյան առաջնագծի կազմաքանդում։ Նիկոլ Փաշինյանը և իր թիմն Ադրբեջանով ժողովրդին վախեցնում են, սարսափեցնում են և ասում են՝ այլընտրանք չկա, եթե սա չանենք, մեզ վրա հարձակվելու են ու պետք է զիջենք։ Ինչո՞ւ չպետք է Ադրբեջանը չօգտագործի։ Ադրբեջանի պահանջները մեկը կամ երկուսը չեն։ Միջանցքից սկսած՝ մինչև ադրբեջանցիների բնակեցումն իրենց բանակցային օրակարգի հերթական կետերն են, նաև ՀՀ Սահմանադրության փոփոխությունը, ԵԱՀԿ Մինսկի խմբի համատեղ լուծարումը»,-ասաց նա։

Իշխանական մամուլից է տարածումը, հարց տամ՝ ինչ տեղեկությունների են տիրապետւոմ, թող այդ տեղեկություններով գնան դատախaզություն. ասաց Քրիստինե Վարդանյանը՝ անդրադառնալով մեղադրանքներին, թե Ջահերով երթի մասնակից զանգվածին ցանկանում են օգտագործել անկարգությունների համար:

«Մենք այսօր կազմակերպելու ենք ջահերով երթ, քայլելու ենք դեպի Ծիծեռնակաբերդ՝ ուղերձ հղելու Թուրքիային, Ադրբեջանին ու իրենց հետ պայմանավորվածության եկած ՀՀ իշխանություններին: Ես հարց ունեմ՝ ջահերով երթն ինչո՞ւ է այսքան թիրախավորվում, դա հիշատակի, պահանջատիրության միջոցառում է: Ո՞րն է իմաստը ջահերով երթը թիրախավորելու ու դրա նկատմամբ հակաքարոզչություն անելու»,- ասաց նա:

Վարդանյանը հարց հնչեցրեց՝ գուցե դա խոչընդոտում է օրինակ այն պայմավորվածությանը, ըստ որի, Սահամանադրությունից պետք է հեռացվի Անկախության հռչակագիրը: «Այս կոնտեքստում, բնականաբար, ջահերով երթը պետք է թիրախավորվեր, որովհետև հակառակ ուղերձ հղող միջոցառում է: Ամեն անգամ այդ մեղադրանքները հասարակությանը վախեցնելու համար տարածում են որևէ միջոցառումից առաջ»,- ասաց պատգամավորը:

Վարդանյանն անդրադարձավ նաև երեկ Աժ-ում տեղի ունեցած ծեծկռտուքին և պատասխանեց հարցին, թե ինչու է ՀՅԴ-ին թվում, որ Ցեղասպանության ճանաչմամբ միայն իրենք են մտահոգ, իսկ մնացածին այդ հարցը չի հետարքրում:

«Երեկ ինչ տեղի ունեցավ, տեղի ունեցավ բոլորի աչքի առաջ և դա նենգափոխել ու այլ տեսանկյունից ներկայացնել դժվար է: ԱԺ-ում «Հայաստան» խմբակցության քարտուղար Արծվիկ Մինասյանը հայտարարեց, որ Ցեղասպանության ժխտումը քրեականացնող նախագծով ենք հանդես գալու, հետո տեղի ունեցավ այն, ինչ տեղի ունեցավ: Իսկ թե ինչու նման արձագանք եղավ, դա ինձ էլ է հետաքրքիր: Ես չեմ կարծում, որ Ցեղասպանության թեման հետարքրքում է միայն Դաշնակցությանը, ճիշտ հակառակը՝ Ցեղասպանության թեման Հայաստանում միայն մի քանի գործչի չի հետաքրքրում, իսկ մնացած բոլորին հետաքրքրում է»,- հայտարարեց նա:

Ինչ վերաբերում է իշխանության պնդումներին, թե արդեն իսկ քրեականացված է Ցեղասպանության ժխտումը ՀՀ օրենսգրքով և նպատակն այն է, որ իրենց նախագծին ՔՊ-ն դեմ քվեարկի, հետո հայտարարեն դավաճան են, Վարդանյանն ասաց, որ բացարձակ սուտ է, որ ասում են՝ նման օրենք կա:

«Մենք առաջարկում ենք Հայոց ցեղասպանությունը, ինչպես նաև ՀՀ կողմից կամ միջազգայնորեն ճանաչված ցեղասպանությունները կամ մարդկության դեմ ուղղված հանցագործությունները հրապարակայնորեն հերքելը, մեղմացնելը, հավանության տալը, արդարացնելը կամ դրանց վտանգավորությունը նսեմացնելը պատժվում է մինչև երեք տարի ազատազրկմամբ»,- ասաց նա:

Պատգամավորը պնդեց, որ նման հոդվածը չկա: «Այս է ամբողջ պատմությունը հիմա հասել ենք այն կետին, որ փաստացի ուղղակի Ցեղասպանությունը կասկածի տակ դնելու հայտարարություններ են եղել նաև իշխանության երեկվա արձագանքն էր դրա մասին՝ մի հատ հասկանանք Դաշնակցությունը ինչ կապ է ունեցել ՑԵղասպանության հետ, սա Թուրքիայի նարատիվները կրկնելը չի՞, կասկածի տակ դնել չի՞»,- ասաց նա:

Մանրամասները՝ տեսանյութում