Ֆրանսիայի Ազգային ժողովը փետրվարի 3-ին 183 քվեով ընդունեց Ադրբեջանում ապօրինաբար պահվող հայ գերիների ազատ արձակման պահանջով բանաձեւը:

Ֆրանսիա-Հայաստան բարեկամության խմբի անունից բանաձեւը ներկայացրեց համահեղինակ Լորան Վոկյեն:

«X»-ի իր էջի վրա նա գրել է. «Իբրեւ Ֆրանսիա-Հայաստան բարեկամության խմբի նախագահ, ուրախ եմ իմ առաջարկած բանաձեւի միաձայն ընդունման համար: Ֆրանսիան պարտավոր է գործել, երբ մյուսները լռում են: Մենք պաշտպանում ենք քրիստոնյա ժողովրդի գոյատեւման իրավունքը այն տարածաշրջանում, որտեղ նրանք փոքրամասնութուն են:

Այս մասին հայտնել է նաեւ ՀՅԴ Բյուրոյի անդամ, ֆրանսահայ կազմակերպությունների համակարգող խորհրդի համանախագահ Մուրադ Փափազյանը:

«Մենք զրոյի ենք հասցրել Ադրբեջանի ազդեցությունը Ֆրանսիայում»,– նշել է Փափազյանը։