Զբօսաշրջութեան նախարար Աւետիս Կիտանեան երէկ ստացաւ նամակ մը` Յորդանանի Միջին Արեւելք համալսարանի նախագահ Եագուպ Նասրէտտինէն եւ Միջին Արեւելքի ճամբորդութեան եւ զբօսաշրջութեան բարգաւաճման կեդրոնի նախագահ Թալեպ Ռիֆայիէն: Նամակին մէջ շեշտուեցաւ, թէ իրենց համար պատիւ է նախարար Կիտանեանը նշանակել Միջին Արեւելք համալսարանի խորհրդատուներու խորհուրդի անդամ:

Նամակին մէջ նշուեցաւ նաեւ, որ Միջին Արեւելքի ճամբորդութեան եւ զբօսաշրջութեան բարգաւաճման կեդրոնը հիմնուած է 21 յուլիս 2018-ին, Միջին Արեւելք համալսարանին մէջ, Յորդանան:

Կեդրոնին նպատակն է Միջին Արեւելքի զբօսաշրջութեան մարզը զարգացնել:

aztagdaily.com