«Ահազանգ» նախաձեռնության մյուս անդամ Քրիստինե Վարդանյանն ասաց, որ իրենց միակ պահանջը պրոգրեսիվ արդար համակարգ ունենալն է, իսկ համահարթ սկզբունքն ուղիղ հակասում է այդ դրույթին, ինչի համար էլ պայքարում ենն:

«Սա էլեկտրաքներգիայի թանկացում չէ, որ քաղաքացին միանգամից ընկալի` ինչի մասին է խոսքը: Պետք է բացատրենք, որոշակի պատկեարցում տանք նրանց: Առաջին ընթերցումով անցավ օրինագիծը, երկրորդ ընթերցումն էլ առաջիկա օրերին կլինի, բայց հույս ունենք, որ պատգամավորները քաջ կգիտակցեն` ինչին են կողմ քվեարկում»,- նշեց Վարդանյանը:

Հիշեցնենք, որ «Ահազանգ» նախաձեռնության անդամներին երեկ մոտեցած վարչապետի հետ զրույց էր ունեցել հենց Քրիստինեն:

Ներկայացված նախագիծը դժվար է որպես հարկային բարեփոխում ներկայացնել, ասաց ՀՅԴ Բյուրոյի տնտեսական հետազոտությունների գրասենյակի ծրագրերի համակարգող, տնտեսագետ Թադևոս Ավետիսյանը, դա ունի կասկածելի սկիզբ ու կասկածելի հետևանքներ:

Ըստ իրենց կատարած հաշվարկների` նախագիծը միանաշանակ երկար կյանք չի ունենալու ու վերադարձը նորից պրոգրեսիվ հարկմանն անխուսափելի է լինելու:

«Այս փոփոխությունը դրականորեն չի ազդում մինչև 150 000 դրամ աշխատավարձով աշխատողների վրա, որոնք աշխատողների 71 տոկոսն են (435 000 աշխատողներ), չի ազդում նաև աշխատողների 25 տոկոսը (142 000 մարդ) կազմող աղքատների վրա: Բացի այդ` բյուջեի հարկային մուտքերի նվազելու են 45 մլրդ դրամով, որը փոխհատուցվելու է անուղղակի հարկերի ավելացմամբ և գների բարձրացմամբ: Գործող իշխանության նախընտրական ծրագրում կարմիր թելի նման անցնում էր դրույթը, որ պետք է խթանվի արժանապատիվ աշխատանքը, որ մարդիկ դուրս գան աղքատությունից, ու բարեկեցիկ պայմաններում ապրեն: Բայց այժմ աշխատող աղքատներին համահարթ սկզբունքով հարկելով որևէ բարելավում չենք իրականանցնում»,- ներկայացրեց Ավետիսյանը:

Ի՞նչ է լինելու, եթե ընդունվի օրենքը. նախաձռեռնության անդմաներին հարց ուղղեցին լրագրողները: Ի պատասխան Քրիստինե Վարդանյանը նշեց, որ մինչև վերջ փորձելու են պայքարել բոլոր միջոցներով ու ամեն ինչ անելու են, որ կոնկրետ այդ դրույթը չընդունվի: «Կոնկերտ քայլերը կախված են լինելու նրանից, թե մյուս կողմն ինչ է անելու, ինչպես է արձագանքելու: Մեր քայլերը լինելու են իրենց քայլերի արձագանքը»,- ամփոփեց նա:

yerkir.am