Այսօր՝ նոյեմբերի 12-ին, 17 կուսակցությունները բողոքի երթ մեկնարկեցին Մատենադրանից՝ ՀՀ վարչապետ Նիկոլ Փաշինյանի հրաժարականի պահանջով:

«Իշխանությունները փոխանակ կռվեն թշնամու դեմ, կռվում են իրենց հակառակ կրծիք հայտնող քաղաքական գործիչների դեմ. ակնհայտ է, որ այս ռազմական դրությունը պետք է ծառայեր պետությունը թշնամիներից պաշտպանելու համար, արդեն յնտեղ հանձնված է, մենք եկել ենք մեր ժողովրդի մեջ ենք ռազմական դրության միջոցով մեր քաղաքական հակառակորդների դեմ պայքարը շարունակում»,- բողոքի երթի ժամանակ լրգրողների հետ զրույցում նշեց ՀՅԴ Բյուրոյի նախագահ Արմեն Ռուստամյանը:

«Արջը 7 երգ գիտի, 7-ն էլ տանձի մասին է: Հիմա երբ Նիկոլ Փաշինյանին արթնացնես ու իր սխալները նշես, ինքը պետք է ասի՝ նախկիններն են մեղավոր: Մարդը երբեք չի կարողանում իր սխալները բաց աչքով տեսնել: Էդ նախկինները հաղթանակն են ձեռք բերել, իսկ իրեն այդ հաղթանակը փոխանցելուց հետո, մենք պարտություն ստացանք դառը: Սա փաստ է, որից խուսափել հնարավոր չի, որքան էլ փորձի իր ճամարտկությամբ մարդկանց մոլեցնի, իր սուտը առաջ տանի: Մենք պատմական մեծ հարված ենք ստացել, տաք ենք, դեռ չենք էլ զգում սրա հետեւանքներն ինչպիսին են լինելու: Մեր պետական ու ազգային ողնաշարին է մեծ հարված հասցվել:

Մեր խնդիրն այն է, որ այն վիճակը, որ Նիկոլից հետո ստանում ենք, գոնե կարողանանք շտկել այնպես, որ մեր ազգային շհերը հնարավոր լինի այս իրավիճակում լավագույնս պաշտպանել: Բայց հնարավոր չէ դա անել մի մարդու միջոցով, ով այդ շահերը ոտնահարել է: Պետք է գան մարդիկ, որոնք այս մեղքի մեջ չեն, այլ հնարավոր են հավաքվելով, միասնական բռունցքն լինելով մեր ազգային շահերը ապահովել»,-հայտարարեց Ռուստամյանը:

Դիտարկմանը, որ հիմա ընդդիմադիրները ժողովրդի մոտ ձեւավորում են ակնկալիք, որ հնարավոր է որեւէ բան փոխել, ինչ ձեւով դա կարելի է անել, երբ արդեն կա ստորագրություն եւ ռուս խաղաղապահները Արցախում են, Արմեն Ռուստամյանն ասաց. «Այո, ունենք իրվիճակ, որը մեզ բոլորիս կատարված փաստի առաջ է կանգնեցրել: Բայց մենք ունենք հնարավորություն այդ դաշտում աշխատել այնպես, որ կարողանանք մեր հնարավոր առավելագույնը անել, որ մեր շահերը պաշտպանված լինեն: Դա ապագայի մեր անելիքների մեջ է: Բայց դա Նիկոլը չի կարող անել, որովհետեւ ինքն արդեն այդ շահերը ոտնահարել է: Հետեւաբար, անհրաժեշտ պայմանը, որ կարողանանք լավագույնս օգտագործել մեր հնարավորությունները, առաջնահերթ խնդիրն է դերակատար բերել մի այնպիսի ներկայացուցիչ ազգի, պետության, որը կարողանա առավելագույնս իր ունակությունները օգտագործելով այս վիճակից լավագույն ելքերը գտնել»:

Հարցին, թե ով է լինելու այդ մարդը, որը կփոխարինի Փաշինյանին ՀՅԴ անդամը պատասխանեց. «Հայ ժողովրդի արգանդը չի չորացել: Երբ ասում են՝ ո՞վ, մեզ դրանով փորձում են վիրավորել: Այդ անունները կգտնվեն, ես վստահ եմ: Դա այս 17 կուսակցությունների խնդիրը չի: Այնքան կարեւոր է այս հարցի լուծումը, որ բոլորն էլ իրենց ամբիցիաները պետք է մի կողմ դնեն եւ համաձայնեն կոնկրետ մի անձի շուրջ, որը կարող է համախմբել ազգը: Իսկ որ կարող ենք գտնել այդպիսի անձի, ես մի վայրկյան անգամ չեմ կասկածում: Նախ այդ անձը կամիկաձեի նման գալու է այս ծանր բեռի տակ մտնի: Դա այդքան հեշտ բան չի: Շատ դժվար է գտնել այդպիսի մեկին, որ լիակատար կապիտուլյացիայի պայմաններում գա ու այդ բեռը վերցնի իր վրա: Դա ամեն մարդու բան չի»: