Ծնվել է Վաղարշապատում: Եղել է փաստաբան Պետերբուրգ քաղաքից, պետական գործիչ, քաղաքագետ:
Եղել է ՀՅԴ Արևելյան Բյուրոյի, Ազգային Բյուրոյի և Կովկասյան Սեյմի անդամ:

Իբրև Քաղաքների Միության ներկայացուցիչ, 1918 թ.-ի կամավորական շարժման օրերին, Կարճիկյանը տեղավորվել է ռազմաճակատի թիկունքում գտնվող Բասենի շրջանում, վերադարձող գաղթականների տեղավորման գործով. Արեւմտյան Հայաստանում ժամանակավոր կառավարության օրերին, եղել է Զավրյանի խորհրդատու ու գործակից:

Հայաստանի առաջին Հանրապետության ժամանակ Հ. Քաջազնունու դահլիճում, եղել է պարենավորման, ապա ելևմտական (ֆինանսների) նախարար:

Եգոր Տեր Մինասյանի կողմից, քաղաքական բնույթի հետևանքով, սպանվել է իր աշխատասենյակում՝ 36 տարեկանում:

-«Պետականութեան կերտիչի եւ անձնուէր յեղափոխականի դաշնակցական միաձուլումը»-Ն.

Ծնվել է Խոյի Սեյդավար գյուղում: Հայդուկ: 1894-ին, Շուշիում մտել է Հ.Յ.Դ. շարքերը. Նիկոլ Դումանի հետ անցել է  Պարսկաստան:

Արաուլ լեռան գագաթից հեռադիտակով ուսումնասիրելուց հետո պատրաստել է Խանասորի դաշտի հատակագիծը։

Բաքվում կատարել է բանվորական շարժման կազմակերպական աշխատանքներ:

Հայ-թաթարական կռիվներին, Արամայիսի հետ ղեկավարել է Վարանդայի եւ Ասկերանի կռիվները:

Պարսկական ազատագրական շարժմանը որպես Եփրեմ Խանի օգնական, ստանձնել է Թեհրանի պաշտպանության պատասխանատվությունը։

Զոհվել է Բաքվից դեպի Շամախ ճանապարհին, թաթարների դեմ կռիվի ընթացքում։Խեչոն 44 տարեկան էր:

Ծնվել է Սեբաստայի Կովտուն գյուղում: Եղել է ֆիդայի, խմբապետ: Կրթությունը ստացել է տեղի վարժարանում՝ ապա Պոլսում:

Թորգոմի «Մրրիկ» խմբի հետ անցել է Սասուն եւ դարձել հերոսամարտի ղեկավարներից մեկը, անկարելին դարձնելով կարելի. երբ պարենն ու ռազմամթերքը սպառած, ճեղքել է թշնամու շղթան, ծերերի, մանուկների ու վիրավորների մի բազմություն հասցրել է Մշո դաշտ ու ինք մի խումբ ֆիդայիների հետ գնացել է Վան ու զինամթերք է բերել Սասուն:

Հայ-թաթարական կռիվներին կռվել է Զանգեզուրի և Նախիջևանի ճատակներում, ու վարել է Ղափանի (Կապան) 50 հայ գյուղերի ինքնապաշտպանությունը:

Մասնակցել է Վիեննայի 4-րդ Ընդհանուր Ժողովին:

Սահմանադրությունից հետո հաստատվել է Սեբաստիայում ու կազմակերպել շրջանը:

Առաջին աշխարհամարտի սկզբին անցել է Թիֆլիս, Անդրանիկի կամավորական գնդի հետ մասնակցել է Կարինի, Երզնկայի, Սարիղամիշի մարտերին:

Մուրադին ենք պարտական «մէկ հայ մէկ ոսկի» հայ բեկորների (որբերի) փրկության գործը:
Մուրադը ղեկավար մասնակցություն է ունեցել Բաքվի հերոսամարտին, որտեղ և զոհվել է 44 տարեկանում:

-««Ես մահ չեմ ուզեր.. Ազատությունը կուզեմ տեսնել». Սեբաստացի Մուրադ»

-«Սեբաստացի Մուրատի վերջին դիւցազնական հերոսութիւնը»-Ն.

Ծնվել է  Բաբերդում: Երզնկայում միանում  է Դերսիմի Քեռիի խմբին: Կարսում իր անբաժան զինակից ընկեր Գյումիշխանեցի Ավոյի հետ զբաղվում է զենքի փոխադրության գործով. Ճարտարի հետ մասնակցում է Խաթավի լեռան եւ ավերակ ջաղացի կռիվներին:

Մաս է կազմել «Շանթ» խմբին:

Թորգոմի «Մրրիկ» խմբով անցնում է Սասուն ու մասնակցում է բոլոր կռիվներին. ապա Կովկասի Հայ-թաթարական կռիվներին, հետո՝ Պարսկաստանի ազատագրման կռիվներին:

1915-ին Վանի ինքնապաշտպանության՝ զինվորական մարմնի անդամ:

Մասնակցում է կամավորական Ա. գնդին:

Երզնկայում Մուրադի հետ զբաղվում է հայ բեկորների փրկության գործով:

Հանկարծամահ է լինում Երզնկայում՝ 47 տարեկանում։

Ծնվել է Գյումիշխանում՝ Տրապիզոնի մոտ:

Երզնկայում միանում է Դերսիմի Քեռիի խմբին. Կայծակ Առաքելի մտերիմ ու անբաժան զինակից ընկերն էր, որի հետ մասնակցել են բազմաթիվ կռիւների – Երզնկա, Խաթավին լեռ, Ախլաթ, Սասուն, Մուշ, Հայ-թաթարական եւ Պարսակստանի ազատագրական կռիվներին:

Մաս է կազմել «Շանթ» խմբին:

Բաթումիում Ավոն մասնակցում է Վանի նահանգապետի ահաբեկմանը։

Կամավորական կռիվներին գումարտակի պետ էր:

Կոչվել է «Անաչառ Ավո»:

Մահացել է Բաթումում՝ 50 տարեկանում։

Ծնվել է Կարինում: Զբաղվել է պայտառի, թամբագործի արհեստով: Եղել է ֆիդայի, խմբապետ, Հունոյի խմբից:

Մասնակցել է Կուկունյանի արշավախմբին. Թորգոմի «Մրրիկ» խմբով եկել է Սասուն, որտեղ նշանակվել է պարենավորման պահեստապետ:

Հայ-թաթարական կռիվների ժամանակ ղեկավարել է Սիսիան-Ղարաքիլիսա շրջանի պաշտպանությունը:

Պարսկաստանի ազատագրական կռիվների ժամանակ եղել է Եփրեմի աջ թևը, իսկ նրա մահից հետո՝ հայ-պարսիկ ուժերի հրամանատարը:

Նշանակվել է կամավորական 4-րդ գնդի հրամանատար եւ մասնակցել Սարիղամիշի ռուս-թուրքական պատերազմին՝ թուրքերի դեմ:

Մուսուլի արշավանքին փրկել է ռուս-հայ պաշարված զորաբանակը Ռևանդուզում (Իրաք), սակայն ինքը ճակատից խփվելով նահատակվել է 53 տարեկանում:

-«Հայ Հերոսի ալեհեր, բայց յաւերժ երիտասարդ դէմքը»-Ն.

-«Հայոց գաղափարի զինուոր առիւծը՝ քաջն ՔԵՌԻ ինկաւ Ռըւանտուզի ահեղ կռուին»-Ն.

Ծնվել է Շապին Գարահիսարում: Հաճախել է Պոլսի Կալաթա-Սերիա դպրոցը։ Իրավաբան, Հ.Յ.Դ. գործիչ, Բյուրոյի անդամ:

Տրապիզոնում  որպես փաստաբան ստանձնել է հայ բանտարկյալների պաշտպանությունը: Կովկասով անցել է Սալմաստ, որտեղ հաջողությամբ լուծել է կազմակերպության ներքին տարակարծությունները ու շատպել է Խանասորի արշավանքին։

Հայ-թաթարական կռիվների օրերին, «Փոթորիկ»-ի կողմից ուղարկվել է հյուսիսային Կովկաս, անհրաժեշտ գումար ապահովվելու, զինամթերք գնելու համար:

Սահմանադրության տարիներին  ջանք է թափել հաջողացնելու երկաթգծի շինությունը Թուրքիայի արեւելյան նահանգներում, բայց իզուր:

Պատերազմի սկզբին, Շահրիկյանը մնացել է Պոլսում ու զոհվել է Եղեռնի ժամանակ՝ 55 տարեկանում։

Ծնվել է Ալեքսանդրապոլում: Ավարտել է Ժնևի համալսարանի ընկերաբանության (սոցիոլոգիա) բաժինը:

Մտավորական գործիչ: Աշխատել է «Դրօշակ»-ում: Քարոզչական ու կազմակերպչական առաքելություններով գործուղվել է Բալկաններ, ապա՝ Իզմիր եւ Եգիպտոս:
Թիֆլիսում եղել է Ներսիսյան դպրոցի ուսուցիչ և «Մշակ» թերթի խմբագիրը:
Ա. Ահարոնյանի եւ Ե. Թոփչյանի հետ հրատարակել է «Յառաջ» եւ «Ալիք» թերթերը:

Անցել է Պոլիս, որտեղ վարել է Սամաթիայի ազգային վարժարանի տնօրինությունը ու աշխատել է «Ազատամարտ»-ում:
Մահացել է 48 տարեկանում․ եղեռնի զոհերից է։

Ծնվել է Ակնում:  Հայ բանաստեղծ, դաշնակցական գործիչ:

Վաճառական հոր հետ տեղափոխվել են Պոլիս, որտեղ հաճախել է Գում Գափուի Միրիճանյան դպրոց, ապա Սկյուտարի Բերբերյան վարժարանը:

Փարիզում՝ Սորբոնի համալսարանում եղել է ազատ ունկնդիր՝ գրականության մասնագիտացմամբ։ Այցելել է  Ամերիկա, Թիֆլիս, Բաքու, Էջմիածին:
Բոստոնում աշխատել է «Դրօշակ»-ում եւ «Հայրենիք»-ում, որտեղ վարել է դրանց խմբագրությունը։

Մահացել է 37 տարեկանում՝ Եղեռնի զոհերից է։

Ծնվել է Տրապիզոնում: Սովորել է Նանսիի (Ֆրանսիա) գյուղատնտեսական վարժարանում՝ Արմեն Գարոյի հետ: Ժնեւում միանում է Հ.Յ. Դաշնակցությանը։

Ղեկավար դեր է ունենում Բանկ Օթոմանի գրավման գործում:

Կազմակերպչական գործով եղել է Կիպրոսում, Բալկանյան երկրներում, Ռուսաստանում, Եգիպտոսում:

Որպես Կիլիկիայի Պատասխանատու Մարմնի անդամ, Հրաչն անցել է Իզմիր, բռնի հանգանակություն ձեռնարկելու:

Ահաբեկման հետեւանքով բանտարկվել է. Սահմանադրության շրջանում ազատ  է արձակվել, հատատվել է Պոլսում, որտեղ ստանձնել է «Ազատամարտ» թերթի վարչական պատասխանատվությունը:

Եղեռնի զոհերից է: Հրաչը 44 տարեկան էր: