Հայոց Ցեղասպանութեան ուրացման կտրուկ մերժում.

Միացեալ Նահանգերու կողմէ Հայոց Ցեղասպանութեան ճանաչում եւ այդ ոճիրին զոհերուն պատշաճ ոգեկոչման ապահովում.
Հայոց Ցեղասպանութեան դասաւանդում, իբրեւ նման ոճիրներու կանխարգիլման կարեւոր միջոց։
Բանաձեւին համահեղինակները այժմ կը ջանան առաւելագոյն թիւով հովանաւորներ ապահովել, զայն պաշտօնապէս ներկայացնելու համար Ներկայացուցիչներու տան։

Ամերիկայի Հայ Դատի յանձնախումբի ատենապետ Րաֆֆի Համբարեան ողջունեց քոնկրեսականներու այս նախաձեռնութիւնը՝ կարեւոր նկատելով այն իրողութիւնը, որ այս բանաձեւը Ցեղասպանութեան ճանաչումէն անդին երթալով՝ պիտի պահանջէ Ցեղասպանութեան զոհերու պաշտօնական ոգեկոչում եւ յատկապէս Հայոց Ցեղասպանութիւնը ուրանալու փորձերուն պաշտօնական մերժում։

Քոնկրեսականներ Շիֆի եւ Պիլիրաքիսի կողմէ իրենց պաշտօնակիցներուն յղուած նամակին բնագիրը կարելի է կարդալ՝ այցելելով asbarez.com կայքէջը։

asbarez.com