ՀՅԴ Հայաստանի կառույցները՝ Հայ Օգնության Միության, «Թևանիկ» ՀԿ-ի և անհատ քաղաքացիների օժանդակությամբ, լծվել են Արցախից տեղահանված մեր հայրենակիցների աջակցության գործին։

Երևանի գրեթե բոլոր վարչական շրջանների կուսակցական գրաենյակները վերածվել են աջակցության կենտրոնների, որտեղ ոչ միայն կուսակցականների, այլև մեր քաղաքացիների աջակցությամբ և օժանդակությամբ կենտրոնացվում և բաշխվում են հավաքված առաջին անհրաժեշտության պարագաները՝ հագուստ, հիգենայի և անկողնային պարագաներ, սնունդ, դեղորայք և այլ ապրանքներ։

Այս պահի դրությամբ լուծվել է մոտ 1300 ընտանիքի կեցության և առօրյա կենցաղային խնդիրները։

Արցախահայ հայրենակիցների օժանդակությանն ուղղված աշխատանքները չեն դադարում նաև այս պահին։

Բարեսիրական նպատակներով 1909 թ հիմնադրված ՀՅԴ քույր կառույց Հայ օգնության միությունը բռնի տեղահանված արցախահայերի կարիքները հոգալու նպատակով արդեն սկսել է համահայկական դրամահավաք։

Դրամահավաքի և ծրագրի իրագործման մանրամասները կներկայացվեն առաջիկայում։

ՀՅԴ Հայաստանի Գերագույն մարմնի Հանրային կապերի գրասենյակ

Երևան, 05 հոկտեմբերի 2023 թ.