ՀՅԴ Հայաստանի Երիտասարդական միությունը այսօր՝ դեկտեմբերի 17-ին Երևանի պետական տիկնիկային թատրոնի դիմաց նախաձեռնել էր բողոքի ցույց՝ ի պատասխան թատրոնի գեղարվեստական ղեկավար Ռուբեն Բաբայանի Հայաստանի հանրային հեռուստատեսության եթերում հնչեցրած աղմկահարույց արտահայտությունների։

Մասնակիցները խորհրդանշական «ներկայացում բեմադրեցին»՝ «Պետրոս Հեքիաթասացը և Ռուբեն Ճիպոտեցին» վերնագրով։

ՀՅԴ Հայաստանի Երիտասարդական միության անդամ Տարոն Մանուկյանը լրագրողների հետ զրույցում ասաց, որ ցույցը խրատական բնույթ ունի։

«Մեր ակցիան պատասխանն է Ռուբեն Բաբայանի տխրահռչակ մտքերի։ Ազգային երիտասարդները, մենք չենք համակերպվելու նման իրողությունների հետ, մեզ համար անընդունելի է մշակույթի վաստակավորի կոչում կրող տխրահռչակ անձանց կողմից նման մտքերի արտահայատումը։ Մեզ համար իրական մտավորական է հենց Միքայել Սրբազանը, ով բանտարկվել է հայրենիքի զավակ, ազգային սրբազան, իրական մտավորական լինելու համար։

Պատմությունն է ցույց տալիս ովքեր են իրական, ազգային մտավորականները, ովքեր՝ վաստակավոր արտիստի կոչումը վերացրած և զուտ թրքահաճո իշխանությունների քաղաքականությունը սպասարկող «մտավորականությունը»։

Նա նշեց, որ ակցիան նաև հանրային պարսավանք է, քանի որ նման ամբախ-զամբախ մտքեր արտահայտող մտավորականները չեն կարող տեղից ելնել ու հարգարժան մարդկանց հասցեին վիրավորական արտահայտություններ անել և մնալ անպատասխան։

Մանրամասն՝ տեսանյութում