Եղեք Արցախի կողքին, Արցախը ունի բոլորիս կարիքը. ՀՄԸՄ Արցախի մասնաճյուղ
04 Սեպտեմբեր 2023
ՀՄԸՄ Արցախի միավորի անդամների ուղերձը շրջափակված Արցախից.
«Բարև աշխարհ,
ես հայ սկաուտ եմ, ես հայ եմ: Մենք ՀՄԸՄ Արցախի սկաուտներն ենք, մենք հայ ենք:
Արդեն մոտ 9 ամիս է ինչ մենք գտնվում ենք շրջափակման մեջ, չունենք նորմալ ապրելու և արարելու նվազագուրն պայմաններ, չունենք սնունդ, դեղորայք, վառելիք և դրանցից բխող ամեն ինչ։
Բայց կրկնում եմ՝ մենք հայ ենք, ազգ, ով հանձնվել չգիտի, ով դարեր շարունակ պայքարում է սեփական հողում ապրելու համար, ով ունեցել է բազում նվաճումներ, ինչու չէ նաև անկումներ։
Դիմում ենք Ձեզ, համայն հայություն, Հայաստան և Սփյուռք, եղեք Արցախի կողքին, Արցախը ունի բոլորիս կարիքը»։
