Այսօր ազգովին կը տագնապինք հազարամեայ մեր պատմութեան ներկայ անկայուն վիճակով, որ հետեւանքն է մեր հայրենիքի վերջին վերիվայրումներուն, որոնց պատճառով մեր բոլորին ներշնչման աղբիւր` Արցախը, դժբախտաբար հասաւ ներկայ իր ցաւոտ իրավիճակին:

Հայ օգնութեան միութեան 73-րդ Համահայկական պատգամաւորական ժողովը եկաւ վերանորոգելու միութեանս առաքելութեան նկատմամբ մեր նուիրեալ անդամներուն ուխտն ու նուիրումը: ՀՕՄ-ը, ինչպէս միշտ, իր կարողութիւններն ու աշխատանքը աննկուն կամքով եւ հաւատքով ի գործ պիտի դնէ մեր ժողովուրդի բարօրութեան ու հայրենիքի բարգաւաճման:

Տօնական նուիրաբեր այս օրերու լաւատեսութեամբ ու վերանորոգ յոյսերով, ՀՕՄ-ը` իր միաւորներով, կը շնորհաւորէ իր բոլոր համակիրներուն, նուիրատուներուն, բարերարներուն ու համայն հայութեան Նոր տարին եւ Սուրբ Ծնունդը` մաղթելով առողջ եւ արեւշատ տարի մը:

Տէրը հայոց աշխարհին թող տայ խաղաղութիւն, հայ ժողովուրդին` սէր միութիւն եւ ՀՕՄ-ի մեծ ընտանիքին` նորանոր յաջողութիւններ, որպէսզի կարենայ լիակատար սատարել մեր ժողովուրդին:

ՇՆՈՐՀԱՒՈՐ ՆՈՐ ՏԱՐԻ ԵՒ ՍՈՒՐԲ ԾՆՈՒՆԴ

ՀԱՅ ՕԳՆՈՒԹԵԱՆ ՄԻՈՒԹԵԱՆ
ԿԵԴՐՈՆԱԿԱՆ ՎԱՐՉՈՒԹԻՒՆ