Ցավով տեղեկացնում ենք, որ կյանքից հեռացել է ՀՅ Դաշնակցության նվիրյալ ընկեր, ՀՅԴ Աջափնյակի կոմիտեության անդամ, Խ. Աբովյանի անվան ՀՊՄՀ երկարամյա դասախոս, մանկավարժական գիտությունների թեկնածու, պրոֆեսոր Մկրտիչ Սահրադյանը։

Մկրտիչ Սահրադյանը երկար տարիներ դասավանդել է Ինֆորմատիկայի և դրա դասավանդման մեթոդիկայի ամբիոնում, իր ավանդն է ունեցել ամբիոնի կազմավորման գործում, իսկ 1987-2009 թվականներին եղել ամբիոնի վարիչ:

Մեծ է եղել Մկրտիչ Սահրադյանի ավանդը երիտասարդների կրթության կազմակերպման և գաղափարականացման գործում։ Որպես մտավորական` նա եղել է իրադարձությունների և զարգացումների առանցքում` իր լուման ներդնելով նորանկախ Հայաստանի հասարակական֊քաղաքական կյանքի կայացման մեջ։

ՀՅԴ Հայաստանի Գերագույն մարմինը ցավակցում է սիրելի ընկերոջ ընտանիքին, հարազատներին և մերձավորներին:

ՀՅԴ Հայաստանի Գերագույն մարմին
06.01.2024թ