Լիբանանի «Վանա ձայն» ռադիոկայանի ՀՅԴ ԼԵՄ-ի «Արծիվ» հայտագրի զրույցակիցն է ՀՅԴ Բյուրոյի անդամ, Միջին Արեւելքի պատասխանատու Հակոբ Բագրատունին։

Անդրադարձ է կատարվել ՀՅԴ 35-րդ Ընդհանուր ժողովում քննարկված մի շարք խնդիրների, արցախահայության հավաքական վերադարձի, Հասյաստան -Սփյուռք կապերի ամրապնման, Հայաստան-Արցախ- Սփյուռք եռամիասնության վերականգնման հետ կապված հարցերի: Հակոբ Բագրատունին նաև ընդգծել է Ընդհանուր ժողովում բարձրացված այս և այլ խնդիրների լուծման գործում երիտասարդության դերի կարեւորությունը:

«Մեր ժողովուրդը հիասթափված վիճակում է, եւ մեր պայքարը այդ հիասթափությունը հաղթահարելուն է միտված: Պատերազմի դաշտում պարտությունները ժամանակավոր են, հիմնական պարտությունը հոգու պարտությունն է: Թշնամին չի գոհանում դաշտի վրա հաղթանակով, ինքն իրեն վերջնականապես հաղթանակած է զգում, երբ մարդկանց հոգիների վրա է հաղթնակ տանում: Առաջին անգամ չէ Հայ ժողովրդի և Դաշնակցության պատմության մեջ, որ մեր ժողովուրդը և հայրենիքը այսպիսի հարված են ստանում, սակայն միշտ էլ իրենց մեջ ուժ են գտնում ոտքի կանգնելու: Մեր ժողովուրդը հավատում է ցեղի ձայնին, արժեքներին, հավատում է նահատակների ժառանգությանը: Այս իմաստով ՀՅԴ Ընդհանուր ժողովը վերընձյուղման, վճռականության վերականգնման ժողով կարելի է նկատել»,- նշել է ՀՅԴ Բյուրոյի անդամը:

Մանրամասները՝ տեսանյութում