ՀՅԴ Բիւրոյի անդամ, երեսփոխան Յակոբ Բագրատունի հանդիպում ունեցաւ Լիբանանի պաշտպանութեան նախարար Միշել Մնասսայի հետ` նախարարութեան Եարզէի կեդրոնին մէջ:

Բագրատունի նախարար Մնասսայի հետ քննարկեց երկրին ընդհանուր կացութիւնը, իսրայէլեան շարունակուող ոտնձգութիւնները եւ այդ գծով լիբանանեան բանակի դերակատարութիւնը: Ան բարձրօրէն գնահատեց բանակի վճռակամութիւնը` երկրին դէմ ցցուող հարցերուն զգօն միջամտութեան համար:

Քննարկումի նիւթ դարձան Սուրիոյ իրավիճակը եւ անոր ազդեցութիւնը տեղական եւ շրջանային զարգացումներուն: