ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • Հայաստան
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Արցախ
  • Հարցազրոյցներ

Այս կամ այն կողմում դավադիր ուժեր տեսնելով՝ հաջողություններ չենք արձանագրի

06 Սեպտեմբեր 2019 «Թե անցյալում, թե ներկայում լուրջ, էական փոփոխություններ չկան նախաձեռնողական, «ագրեսիվ», համադրված քաղաքականության մասով». «Առավոտի» զրուցակիցն է ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը:

– Հայաստանի դիվանագիտական կորպուսի ներկայացուցիչների հետ հանդիպման ժամանակ վերջերս վարչապետ Նիկոլ Փաշինյանը բավականին ուշագրավ հայտարարություն արեց` ասելով, որ իրեն չի բավարարում այն ժառանգությունը, որն ինքը ստացել է Արցախի հարցի կարգավորման փաթեթի տեսքով: Ավելին, վարչապետն ասաց, որ մտահոգված է այդ ժառանգությունից, քանի որ խեղաթյուրված դրվագներ կան: Դուք այդ իրադարձությունների սկզբից քաղաքական դաշտում եք, հավանաբար որոշ տեղեկությունների տիրապետում եք, կա՞ն այդ փաթեթում դրվագներ, որոնք խեղաթյուրված են եւ կարող են մտահոգել ՀՀ վարչապետին, ով, ըստ էության, հարցի բանակցողն է:

– Ժառանգություն ասվածը, հավանաբար, ինչպես իրավական, նաեւ քաղաքական կատեգորիա է, հետեւաբար, այդ առումով նաեւ չեմ կարող ամբողջական մեկնաբանել վարչապետ Փաշինյանի արտահայտած կարծիքը եւ միանշանակ գնահատական տալ, թե ի՞նչ ժառանգության մասին է խոսում: Եթե մենք անդրադառնանք ժառանգություններին, ապա պետք է ասենք, որ 1990-ականներին եւս մեր ծնողներից վատ ժառանգություն ենք ստացել: Ամեն վատ ժառանգություն շտկելու հնարավորություն կա: Այդ պարագային մեղադրանքներով կամ փակագծերով ամեն ինչ ներկայացնելու իմաստը միշտ չէ, որ արդարացված է: Ես չեմ կասկածում, որ մենք տասնամյակների ընթացքում, հատկապես 1994 թվականից ի վեր, աստիճանաբար, մեր դիվանագիտական առաքելության մեջ որոշակի կորուստներ ենք ունեցել, ինչի մասին տարբեր առիթներով ներկայացրել ենք մեր տեսակետները, մտահոգությունները, բարձրաձայնել ենք դրանք, փորձել ենք տալ նաեւ առաջարկներ: Բայց ամբողջական պատկերացում կազմել, թե ի՞նչ ծալքերի մասին է խոսում վարչապետը եւ ի՞նչը նկատի ունի՝ կդժվարանամ ասել: Մենք ավելի շատ պետք է խոսենք առաջարկների եւ ապագայի տեսլականների մասին, չփորձենք քրքրել եւ փորփրել այդ բացթողումները, որոնց ժամանակ բոլորս էլ ունեինք հնարավորություններ՝ այս կամ այն առումով, ազդելու, ներազդելու: Որքանո՞վ ենք մենք կարողացել, որքանո՞վ է մեզ հաջողվել այդ ամենը. մի բան կարող եմ ասել, որ բացի 2016 թվականի ապրիլյան գործողությունների հետեւանքով ունեցած որոշ տարածքային կորուստներից, համենայնդեպս, մենք կարողացել ենք ամբողջապես՝ համադրված-չհամադրված, դերաբաշխմամբ, թե ինքնահոսով, մեր առաքելության մեջ որոշակի դերակատարություն ունենալ՝ թե՛ քաղաքական ասպարեզում, թե՛ ժողովրդի անվտանգության ապահովման, թե տնտեսական առաջընթացի եւ ընդհանուր կայունության առումներով: Մենք, իհարկե, ակնկալում ենք ավելի բացարձակ արդյունքներ, բայց աշխարհաքաղաքական զարգացումները, տարածաշրջանում մեր դիրքն ու տեղը, նաեւ մեր հնարավորությունները մեզ այդ բացարձակ արդյունքներն ունենալու քիչ տեղ են թողնում:

– Նախկին իշխանության շատ ներկայացուցիչներ դավադրություններ տեսան Նիկոլ Փաշինյանի այդ հայտարարության մեջ: Կա՞ այս ամենում դավադրություն, Նիկոլ Փաշինյանի վարչապետության ընթացքում արցախյան հարցի կարգավորման զարգացումներում «մութ» գործարքներ հայտնի՞ են ձեզ:

– Ձեր հարցադրման համատեքստում ես հիշեցի պարոն Փաշինյանի արած այն հայտարարությունը, որ Արցախում դավադիր ուժեր կան եւ դավադրություններ են պատրաստում… Այսինքն՝ ո՞ր կողմն է դավադիր: Ես կարծում եմ՝ մենք դավադիր կողմ չունենք, եւ դավադրություններ փորձել փնտրել այս կամ այն կողմում՝ ճիշտ չէ: Մեզ պետք են համադրված քայլեր: Մեր արտաքին քաղաքականության մեջ մեզ անհրաժեշտ է օգտագործել այն հնարավորությունները, որոնք մեզ ընձեռված են, որպես երկու հայկական անկախ պետություններ՝ մեկն, իհարկե, իր չճանաչված լինելու հանգամանքով, մյուսն՝ իր հնարավորություններով: Թերեւս, պարոն Փաշինյանի վարած քաղաքականության մեջ, իր հայտարարությունների մեջ, այո, ես տեսնում եմ մտահոգություններ: Բայց խոսել դավադրությունների եւ դավադրությունների տեսության մասին մի քիչ ճիշտ չէ, մանավանդ, երբ խոսում ենք Արցախի հարցի մասին: Այդ առումով, մենք պետք է լինենք մի քիչ կոռեկտ, մի քիչ զուսպ, նաեւ՝ պատասխանատու, եւ փորձենք մեր արտահայտած տեսակետներում, մեր հայտարարություններում տեսնել դրա հետեւանքները: Այդ համատեքստում, եթե ունենք մտահոգություններ, պետք է դրանց մասին բարձրաձայնենք, առաջարկներ ներկայացնենք: Այս կամ այն կողմում դավադիր ուժեր տեսնելով՝ մենք հաջողություններ չենք կարող արձանագրել, կորուստները կլինեն մեր ուղեկիցը:

– Օգոստոսի 5-ի հանրահավաքում Նիկոլ Փաշինյանի արած հայտարարությունը` «Արցախը Հայաստանն է եւ վերջ», Ադրբեջանում կոշտ հակազդեցություն ստացավ, համանախագահները դեռ չեն արտահայտվել այդ առիթով: Եթե նման հայտարարություն է անում ՀՀ վարչապետը` այս պահին դեռ հարցի հիմնական բանակցողը, ի՞նչ ազդեցություն կթողնի դա հարցի կարգավորման հետագա ընթացքի վրա, մանավանդ, առաջիկայում ԱԳ նախարարների հանդիպում է նախատեսված:

– Առաջիկայում որեւէ առաջընթաց ակնկալել ԱԳ նախարարների, համանախագահների հետ հանդիպումներից՝ իրատեսական չէ: Ընդհանրապես, որեւէ քայլեր առաջընթացի առումով, համենայնդեպս ինձ համար տեսանելի չեն: Իրանի իսլամական հանրապետություն կատարած այցի ժամանակ՝ Թեհրանում նույնպես պարոն Փաշինյանը հայտարարություն արեց Արցախը՝ Հայաստանի մաս լինելու վերաբերյալ: Ոչ քննարկման նյութ է, ոչ էլ որեւէ հետադարձ ունի Արցախի՝ Հայաստանի մաս լինելու պարագան, սակայն, կարծում եմ, մենք պետք է հաշվի առնենք բոլոր հետեւանքները եւ նրբությունները, որ կարող ենք ունենալ մեր արտաքին քաղաքականությունում եւ բանակցային գործընթացում: Ստեփանակերտի Վերածննդի հրապարակում պարոն Փաշինյանի արած այս հայտարարության հետեւանքները միանշանակ չեն եղել՝ որպես առաջին դեմքի արտահայտած մտքեր: Կարծում եմ, այդ նրբությունները մենք պարտավոր էինք եւ պարտավոր ենք հաշվի առնել: Այնուհանդերձ, հայտարարությունն արված է, եւ այս հայտարարությունը որեւէ մեկի համար կարծեմ նորություն չէ: Գուցե դա անակնկալ կամ անսպասելի էր Ադրբեջանի համար կամ Ադրբեջանին սատարող ուժերի, բայց հայ հանրության, Արցախի հիմնահարցում շահագրգիռ կողմերի, հարցին քաջատեղյակ ուժերի համար սա ակնհայտ էր, պարզ էր եւ որեւէ մեկնաբանության կարիք չունի:

– Տեսեք, մյուս կողմից էլ, մենք անընդհատ հաշվի ենք առել շատ նրբություններ, հաշվարկներ ենք արել, բայց արդյունքում, ինքներդ էլ փաստեցիք, որ դիվանագիտական կորուստներ ենք ունեցել: Գուցե իսկապես արժե՞ կոշտացնել դիրքորոշումները:

– Դիրքորոշումները, նաեւ գործողությունները կոշտացնելու մասին այլ կարծիք չեմ կարող ունենալ: Տարբեր առիթներով լինելով արտրերկրում, Սփյուռքի հայկական գաղթօջախներում, հարաբերություններ ունենալով նաեւ ՀՀ դիվանագիտական կորպուսի ներկայացուցիչների հետ տարբեր աշխարհամասերում, ցավով պետք է ասեմ, որ թե՛ անցյալում, թե՛ ներկայում լուրջ, էական փոփոխություններ չկան նախաձեռնողական, «ագրեսիվ», համադրված քաղաքականության մասով: Դա տեսանելի չէ: Մենք քանիցս իբրեւ Արցախի պատվիրակություն, պետական կամ այլ հանգամանքներում, միջազգային ցուցահանդեսներում եւ այլն, տեսնում ենք, թե ինչպիսի համադրված աշխատանք է կատարում Ադրբեջանի ԱԳՆ-ն: Մենք ոչ միայն պետք է կոշտացնենք մեր դիրքորոշումները, այլ պետք է ունենանք մեր գործողությունների պլանը, որը համադրված կլինի: Երբ ԵԽԽՎ-ում ներկայացված էին Ռոբերտ Ուոլթերի եւ Միլիցա Մարկովիչի հայտնի երկու բանաձեւերը, ես շատ լավ հիշում եմ, որ Ռոբերտ Ուոլթերի նախաձեռնության տապալումը հաջողվեց մեր դիվանագիտական կառույցների եւ լոբբինգային կառույցների կողմից միասնական աշխատանքի արդյունքում: Մարկովիչի զեկույցն էլ կարող էր թերեւս այդ ճակատագիրն ունենալ, բայց, ցավոք, մենք շատ ուշ սկսեցինք աշխատել եւ մեր ուժերը համադրել: Այնպես, որ այստեղ մեղադրանքների լեզվով չէ, որ ցանկանում եմ խոսել, բայց մշտապես պետք է կարողանանք կարեւորը երկրորդականից տարբերակել եւ կարողանալ ավելի առաջնային տեղում տեսնել ազգային ու պետական շահերը, առաջնորդվել դրանցով: Մնացած բոլորը երկրորդական ու ածանցյալ են:

Զրույցը` Նելլի ԳՐԻԳՈՐՅԱՆԻ
«Առավոտ» օրաթերթ 05.09.2019

FacebookTwitterOdnoklassnikiTelegramPrint
Լրահոս
Մայիսի 9-ի խորհուրդը և նշանակությունը

«Մեր ժողվուրդը տեսավ 2020 թվականի 44-օրյա ճակատարամարտի հետևանքները, Արցախի

09 Մայիս 2025
Խրոխտ Շուշիի Ազատագրման Յիշատակին

«Շուշին եւ ազատագրուած տարածքը կը ներկայանան իբրեւ հայ ազգային ռազմավարութեան

09 Մայիս 2025
Շուշին ազգային վերազարթոնքի խորհրդանիշ

Արցախում Եռատոն է, հպարտության եւ հաղթանակի տոն։ 1992-ին Շուշիի հաղթական ազատա

09 Մայիս 2025
Միջոցառում՝ «Շուշի. վերադարձ լինելու է

Մայիսի 8-ին «Անի Պլազա» հյուրանոցի «Անի» սրահում տեղի ունեցավ Շուշիի ազատագրմա

09 Մայիս 2025
33 Տարի Առաջ` Այսօր. Հերոսական Սխրանքն

ԱՍՊԵՏ ՄԱՆՃԻԿԵԱՆ Մայիս 9-ը եռատօն է, նուիրուած` համաշխարհային երկրորդ պատերա

09 Մայիս 2025
Խմբագրական. Եռատօնի Վերաիմաստաւորման Հ

Եռատօնը խորհրդանշող օրուան նշումը նորագոյն հանգամանքներով բոլորովին նոր խորհրդ

08 Մայիս 2025
Շուշին հանդիսանում է հայ ժողովրդի քաղա

ՀՀ ԳԱԱ Պատմության ինստիտուտի Արցախի պատմամշակութային ժառանգության և արդի քաղաք

08 Մայիս 2025
Դիվանագետների համահայկական խորհրդի հայ

Մայիսյան եռատոնը հայ ժողովրդի նորագույն պատմության պանծալի էջերից է, հայկական

08 Մայիս 2025
Այն ինչ այսօր կատարվում է ժամանակավոր

«Շատ բարդ է ինձ համար այսօր խոսելը։ Մի քանի բան ուզում եմ փոխանցել ՝մեկը պատմա

08 Մայիս 2025
Ամեն ինչ անելու ենք, որ, այո՛, այդ վեր

«Շատ կարևոր է այսօր վերաիմաստավորել, արժևորել Շուշիի ազատագրման օրը և խորհուրդ

08 Մայիս 2025
Ժտէյտէ-Պաուշրիէ-Սատ Շրջանի Քաղաքապետակ

Երեքշաբթի, 6 մայիսին «Շաղզոյեան» կեդրոն այցելեցին Ժտէյտէ-Պաուշրիէ-Սատ շրջանի ք

08 Մայիս 2025
Պատասխան ես տալու ամեն բառիդ, ամեն քայ

Փորձեմ առանց էմոցիայի Հերթական անգամ «Հայաստան» խմբակցության պատգամավորները

08 Մայիս 2025
Ուաշինկթընի Քաղաքային Խորհուրդը Ընդուն

Մայիս 6-ին, Ուաշինկթընի քաղաքային խորհուրդը միաձայնութեամբ ընդունեց >բանաձեւ մ

08 Մայիս 2025
Մեր համազգային պահանջատիրութեան յետքայ

ՀԱՅՈՑ ՑԵՂԱՍՊԱՆՈՒԹԵԱՆ 110-ՐԴ ՏԱՐԵԼԻՑԻ ԱՌԻԹՈՎ Եթէ պէտք է իրերն իրենց անւամբ կ

08 Մայիս 2025
Ցաւակցագիր

ՀՅԴ Բիւրօն խոր վիշտով իմացաւ ընկ. Նազարէթ Սապունճեանի մահուան գոյժը։ Այս տխ

07 Մայիս 2025
ԱՄՆ-Իրան բանակցութիւններու դժուար ընթա

Օմանի միջնորդութեամբ տեղի ունեցող բանակցութիւնները ԱՄՆ-ի և Իրանի միջև այժմ կը

07 Մայիս 2025
էժան միջոցներով չեն կարող մեզ շեղել

Այն ենթադրությունը, թե պետք է ՀՀ վարչապետ Նիկոլ Փաշինյանին անվստահություն հայտ

07 Մայիս 2025
Կառավարությունից պահանջում ենք միջոցնե

Արցախցիների իրավունքների պաշտպանության խորհուրդը Արցախի մշակութային ժառանգությ

07 Մայիս 2025
Օգտակար խորհուրդ Հայաստանի Հանրապետութ

Վերջերս Հայաստանի Հանրապետությունն անսովոր որոշում կայացրեց՝ վարձելով ամերիկյա

06 Մայիս 2025
Համիլթընի մէջ տեղի ունեցաւ Հայոց Ցեղաս

Կազմակերպութեամբ Համիլթընի Ս. Մարիամ Հայաստանեայց Առաքելական եկեղեցւոյ եւ ՀՅԴ

06 Մայիս 2025
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company