ԱՄՆ Ներկայացուցիչների պալատը կքննարկի Արցախում ականազերծումը ֆինանսավորելու նախագիծը
23 Հուլիս 2020 ԱՄՆ Ներկայացուցիչների պալատի հանձնաժողովը` Ջիմ ՄաքԳավերնի նախագահությամբ, ճանապարհ է բացել Ամերիկայի Հայ դատի հանձնախմբի աջակցությամբ կատարված փոփոխության նախագծի համար` Արցախում մարդասիրական ականազերծման համար միջոցներ հատկացնելու վերաբերյալ: Դա կքննարկվի և կքվեարկվի ԱՄՆ Ներկայացուցիչների պալատի լիագումար նիստում: Այս մասին հաղորդել է Ամերիկայի Հայ դատի հանձնախումբը:
ԱՄՆ Ներկայացուցիչների պալատը մտադիր է այս փոփոխության հարցը քննարկել հինգշաբթի՝ հուլիսի 23-ին, քանի որ սկսում է 2021 թվականի հարկաբյուջետային տարվա արտասահմանյան օգնության օրինագծի քննարկումները: Այս նախագիծը կոչ է անում 1.4 մլն դոլարի օգնություն տրամադրել Արցախին՝ շարունակելու HALO Trust-ի՝ կյանքեր փրկող ականազերծման ջանքերը:
Փոփոխության այս նախագիծը ղեկավարվում է Կոնգրեսի հայկական հանձնախմբի համանախագահ Ջեքի Սփիերի և մի քանի ներկայացուցիչների կողմից, և աջակցություն է ստացել ավելի քան երեսուն անդամների կողմից:
ԱՄՆ Հայ դատի հանձնախմբի գործադիր տնօրեն Արամ Համբարյանն իր շնորհակալությունն է հայտնել հանձնաժողովի նախագահ ՄաքԳավերնին. «Մենք ցանկանում ենք շնորհակալություն հայտնել Նախագահ ՄաքԳավերինին այն բանի համար, որ ԱՄՆ Ներկայացուցիչների պալատը հնարավորություն ունի ցուցաբերել աջակցություն Արցախին և համայն հայությանը՝ տարիների ընթացքում տեղի ունեցած ամենաահաբեկչական ադրբեջանական հարձակման արդյունքում: Մեր համայնքը խորապես երախտապարտ է բոլոր նրանց, ովքեր այդքան շատ են աշխատում խաղաղության համար»:
