ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, «Շաղզոյեան» կեդրոնի իր գրասենեակին մէջ ընդունեց Կիպրոսէն հասած բժշկական-մարդասիրական պատուիրակութիւն մը` գլխաւորութեամբ երեսփոխան տոքթ. Էլենի Թէոխարուսի:

Պատուիրակութիւնը հասած է Լիբանան` բժշկական օժանդակութիւն տրամադրելու աղէտեալներուն:

Հանդիպումէն ետք, Թէոխարուս պատրաստակամութիւն յայտնեց դեղորայքի եւ կաթնեղէնի օժանդակութիւն տրամադրելու Լիբանանահայ օգնութեան խաչին:

Տեղին է յիշել, որ բժիշկ երեսփոխանը 40 անգամ այցելած է Արցախ եւ կը նախագահէ Եւրոպական խորհրդարանի եւ Հայկական բարեկամական յանձնախումբերուն:

aztagdaily.com