Պէյրութի նաւահանգիստի պայթումին պատճառած քանդումները ստուգելու եւ հայահոծ շրջաններու բնակիչներու վիճակին ծանօթանալու ծիրին մէջ, երէկ` ուրբաթ, 14 օգոստոսին, ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի եւ երիտասարդութեան եւ մարմնակրթութեան նախարարի պաշտօնակատար Վարդինէ Օհանեան-Գէորգեան` ընկերակցութեամբ «Քրիստափոր» կոմիտէի ներկայացուցիչ Վազգէն Պեքերեճեանի, այցելեցին Մար Մխայէլի եւ Էշրեֆիէի` նիւթական վնասներու ենթարկուած եւ վիրաւորուած հայորդիներուն բնակարանները, խանութները:

Այցելութիւններուն նպատակն էր գետնի վրայ գնահատումը կատարել պայթումին պատճառած քանդումներուն եւ զօրակցութիւն յայտնել նիւթական վնասներ կրած ու վիրաւոր հայորդիներուն:

Այցելութեանց ընթացքին շեշտը դրուեցաւ վնասուած հայորդիներուն դժուարութիւնները թեթեւցնելու անհրաժեշտութեան վրայ:

aztagdaily.com