Յարձակում Սան Ֆրանսիսքոյի Գռուզեան-Զաքարեան-Վասպուրական Վարժարանին Եւ Հայ Կեդրոնին Վրայ
25 Հուլիս 2020
ՍԱՆ ՖՐԱՆՍԻՍՔՕ․- Հինգշաբթիէն Ուրբաթ լուսցող գիշերուան ընթացքին, ատրպէյճանամէտ եւ թրքամէտ խուլիկաններ յարձակած են Սան Ֆրանսիսքոյի Գռուզեան-Զաքարեան-Վասպուրական Ազգային վարժարանին եւ անոր կից գտնուող Հայ կեդրոնին վրայ, ատելավառ հայհոյանքներ գրելով եւ Ատրպէյճանի դրօշակին գոյները ներկելով անոնց արտաքին պատերուն վրայ:
Վարժարանին տնօրէնութիւնը եւ ՀՅԴ Սան Ֆրանսիսքոյի «Քրիստափոր» կոմիտէութիւնը, համագործակցութեամբ քաղաքի օրինապահ մարմիններուն՝ կը հետապնդեն ազգային ատելութեան հողին վրայ կատարուած այս յարձակումին ծալքերը։
asbarez.com
