ՀՅԴ Հայաստանի Երիտասարդական Միությունը վաղը՝ սեպտեմբերի 29-ին, նամակներ կհանձնի ՄԱԿ-ի հայաստանյան գրասենյակին, Հայաստանում Ֆրանսիայի, Ռուսաստանի և ԱՄՆ դեսպանատներին։ Պահանջելով հստակ գնահատական տալ ագրեսոր Ադրբեջանի գործողություններին և Թուրքիայի ներգրավածությանը։

ՀԵՄ-ի հայտարարությունը ներկայացնում ենք ստորև.

«Վաղը՝ ժամը 14։00-ին հավաքվում ենք Արամ Մանուկյանի արձանի դիմաց, որտեղից երթով շարժվելու ենք ՄԱԿ-ի գրասենյակ։

ՄԱԿ-ից պահանջելու ենք հստակ գնահատական տալ ագրեսոր Ադրբեջանի գործողություններին և Թուրքիայի ներգրավածությանը։

Նույնաբովանդակ նամակներ ենք ուղարկելու նաև Հայաստանում Ֆրանսիայի, Ռուսաստանի և ԱՄՆ-ի (ԵԱՀԿ Մինսկիխմբի համանախագահ երկրներ) դեսպանատներ։

Կոչ ենք անում բոլորին մասնակցել և միջազգային հանրությունից պահանջել հստակ գնահատական տալ հայ ժողովրդի նկատմամբ Ադրբեջանի և Թուրքիայի կողմից սանձազերծած ագրեսիային։