Բժիշկ Տոնոյանը նշեց, որ այստեղ բողոքողներից մեծ թվով մարդկանց է ճանաչում, որոնց հանդիպել է ռազմաճակատում. «Այնպես որ այդ թեզը թող չշրջանառեն։ Դրա փոխարեն Նիկոլ Փաշինյանը թող ցույց տա՝ իր կինն ու որդին որ դիրքում էին կանգնած, դրա համար եմ ասում՝ չեմ ուզում ունենալ սուտասան վարչապետ»։

Անդրադառնալով այն մեկնաբանություններին, թե այս գործընթացում քաղաքական շահարկումներ կան՝ Տոնոյանն ասաց. «Ի՞նչ է նշանակում քաղաքական շահարկում։ Երկիր կորցնելը, Արցախը կորցնելը, այդքան փախստականներ ունենալը քաղաքական շահարկո՞ւմ է. ձայն չհանե՞նք։ Ժողովուրդն է այդ Ազգային ժողովն ընտրելու, ժողովուրդը կորոշի՝ ինչ Ազգային ժողով ընտրի եւ ինչ վարչապետ ունենա»։

Հարցին՝ Նիկոլ Փաշինյանի հրաժարականով ի՞նչ է փոխվելու՝ Տարոն Տոնոյանն ասաց. «Նիկոլ Փաշինյանի հրաժարականով կփոխվի մեկ բան, նվաստացած մարդը չի գնա բանակցությունների, կգնա մի մարդ, ով կարողունակ է։ Այս մարդը ստախոս է, նա չի կարող բանակցել»։