Այսօր, հոկտեմբերի 6-ին Պռոշյանի Զորաց պանթեոնում տեղի է ունեցել Վարնկաթաղի զոհերի տարելիցին նվիրված հիշատակի միջոցառում: Խորհրդանշական այս օրը երդում են տվել ՀՅԴ շարքերը համալրող շուրջ 35 նորագիրներ:

131 ամյա պատմություն ունեցող Հայ Յեղափոխական Դաշնակցություն կուսակցության երդման տեքստում կան խոսքեր.«իսկ եթե հարկ լինի նաեւ կյանքիս գնով ծառայել Հայաստանի ու Հայության դատին», սրանք սովորական խոսքեր չեն, թվով 35 անձանց այսօր զգուշացրեց ՀՅԴ Բյուրոյի անդամ Կիրո Մանոյանը: ՀՅԴ անդամության երդումը զինվորի երդում է, ու այն մարդիկ ովքեր որոշում են արտասանել այդ խոսքերը, պետք է լավ մտածեն եւ հրաժարվեն մինչեւ երդվելը:

Երդման արարողությունը կազմակերպված էր Պռոշյան գյուղի Զորաց պանթեոնում: Այստեղ արցախյան առաջին պատերազմի հերոսներ Պետոյի ու Կարոտի շիրիմներն են, նրանց կողքին 2020-ին ամփոփվել են Վարնկաթաղում հոկտեմբերի 6-ին զոհված 24 հերոսից 17-ի մարմիը: Հենց այս պանթեոն է տեղափոխվել Սրխավենդում Պետրոս Ղեւոնդյանի զոհվելու վայրում դրված հուշակոթողը: Այն հասցրել էին Սրխավենդից բերել ՀՅԴ վաշտերից մեկի անդամները, 50 օր Արցախի հյուսիսային հատվածի անվտանգությունն ապահովելուց հետո,երբ սրտի կսկիծով տեղեկացել էին, որ Քարվաճառը եւս հանձնվում է առանց կրակոցի ու հասկացել էին, որ Պետրոս Ղեւոնդյանի հուշաքարն անհրաժեշտ է դուրս բերել:

Այսօր դժվար է դաշակցական լինելը, զգուշացրեց նոր անդամներին Կիրո Մանոյանը, նա հիշեցրեց, որ պայքարը ոչ միայն միայն արտաքին թշնամու դեմ է, այլեւ ապազգային իշխանությունների, հիշեցրեց, որ եղել են նաեւ ժամանակներ, երբ դաշնակցականների նման պայքարի պատճառով կային բանտարկվածներ: Կարող է մարդիկ նայեն զարմանան, թե սրանք ինչու են միանում մի կուսակցության, որ հալածվում է եւ հալածվում էր տարիներ առաջ, Դուք պատասխանատու որոշում եք կայացրել, զգուշացումից հետո ՀՅԴ Բյուրոյի անդամ Կիրո Մանոյանն ընդունեց 35 հոգու երդում եւ նրանք անցան Դաշնակցության շարքերը:

Մանրամասները՝ տեսանյութում։

https://youtu.be/6dT35HWd9jU