Սեպտեմբերի 21-ին՝ Հայաստանի Հանրապետության Անկախության օրը, ՀՅԴ Հայաստանի երիտասարդական միությունը կազմակերպում է տոնական երթ, որի նպատակն է արժևորել անկախության գաղափարը և միասին նշել Անկախության օրը։

Երթը կմեկնարկի Մեսրոպ Մաշտոցի անվան Մատենադարանի տարածքից՝ ժամը 11:30-ին։

Մասնակիցները միասնական քայլերթով կանցնեն Մաշտոցի պողոտայով, ապա Սայաթ-Նովայի պողոտայով և Նալբանդյան փողոցով։

Տոնական երթի ավարտը նախատեսվում է Հայաստանի Հանրապետության պետականության հիմնադիր Արամ Մանուկյանի արձանի մոտ, որտեղ կկայանա նաև ՀՅԴ Հայաստանի Երիտասարդական միության նորագիրների խոստման արարողությունը։

Միացի՛ր Անկախության երթին՝ միասին տոնելու Հայաստանի Հանրապետության Անկախության օրը։