ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի ՀՅԴ Լիբանանի Կեդրոնական կոմիտէին եւ Հայկական երեսփոխանական պլոքին անունով նամակ մը յղեց Ֆրանսայի նախագահ Էմանուէլ Մաքրոնին` գնահատելով Ֆրանսայի մէջ Հայկական կազմակերպութիւններու աշխատանքները համակարգող խորհուրդի տարեկան ընթրիքին ընթացքին Ապրիլ 24-ը Ֆրանսայի մէջ Հայոց ցեղասպանութեան յիշատակման ազգային օր հռչակելու անոր 2017-ի ընտրական խոստումին վերահաստատումը:

Բագրատունի յայտնեց, որ այդ խոստումին կատարումը տրամաբանական շարունակութիւնը պիտի ըլլայ 2001-ին Ֆրանսայի կողմէ Հայոց ցեղասպանութեան ճանաչման եւ պիտի ամրապնդէ հայ ու ֆրանսացի ժողովուրդներուն միջեւ գոյութիւն ունեցող կապը:

Ան աւելցուց, որ Ապրիլ 24-ի Հայոց ցեղասպանութեան ազգային օր հռչակումը պիտի ըլլայ արդարութեան, ճշմարտութեան եւ ցեղասպանութեան կանխարգիլման պայքարին համար յաղթանակ մը:

aztagdaily.com