Արցախի Հանրապետության անկախության տոնի առիթով ՀՅԴ Հայաստանի կառույցի անդամներն այսօր այցելել էին Եռաբլուր և ծաղիկներ խոնարհել Արցախի ազատագրման համար իրենց կյանքը նվիրաբերած հայորդիների շիրիմներին:

Արժևորելով Արցախի ազատագրման համար մարտնչած հայորդիների թողած ավանդը՝ ՀՅԴ Հայաստանի ԳՄ ներկայացուցիչ Իշխան Սաղաթելյանն իր խոսքում փաստեց, որ արցախյան հակամարտության կարգավորման գործընթացում այսօրվա անորոշությունը կարող է ունենալ անընդունելի և անկանխատեսելի հետևանքներ, ուստի մեկ անգամ ևս պետք է բոլորը հասկանան, որ Եռաբլուրում ամփոփված հերոսների արյունը մեզ համար բացարձակ արժեք է և վեր է ամեն տեսակ շահարկումներից: «Պետք է զարգանալ՝ չզիջելով: Արցախի ներկայիս սահմանների պաշտպանությունը, հզորացումը, Արցախի վերաբնակեցումը կենսական անհրաժեշտություն է հայ ժողովրդի անվտանգության և շարունակականության համար», – նշեց Իշխան Սաղաթելյանը:

yerkir.am