ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Իսրայէ՞լ… Մարդկային օրենքնե՞ր…

13 Մայիս 2025

Իսրայէլի նախագահը՝ Իցհակ Հերցոկ, Երկուշաբթի, 12 Մայիսին Պերլին այցելեց, նշելու համար երկու երկիրներուն միջեւ դիւանագիտական յարաբերութեանց հաստատման 60-րդ տարեդարձը:

Այցելութիւնը, ինքնին, ուշագրաւ էր, եւ ստեղծեց նոյնքան ուշագրաւ արձագանգներ, սկսելու համար՝ նոյնինքն Գերմանիոյ, ապա նաեւ նման հանդիպումներով շահագրգիռ երկիրներու մէջ:

Կարելի չէ նեղ սիւնակի մը մէջ խօսիլ բազմաթիւ արձագանգներու մասին, հետեւաբար պիտի կատարենք ընտրութիւն:

Ա. Հրեցոկ հանդիպում ունեցաւ Գերմանիոյ իր պաշտօնակիցին՝ Ֆրանք-Վալթըր Սթայնմայըրի հետ, ու հակառակ երեւութապէս սիրալիր խօսակցութեան՝ հակաճառութիւնը յստակ էր: Գերմանիոյ նախագահը «քաղաքավար բառերով» քննադատեց կազացիներու հանդէպ Իսրայէլի պետութեան անմարդկային վարմունքին շարունակումը եւ շեշտեց, որ պաշարուած, սովի մատնուած եւ օր-աւուր նոր զոհեր տուող կազացիներուն համար պէտք է «անյապաղ» բանալ մարդասիրական օգնութիւններու ճամբաները: Եւ ի՞նչ պատասխանեց Հերցոկ՝ Նեթանիահուի ոճրակիցներէն մէկը. «Իսրայէլ կը հետեւի մարդկային օրէնքներու տրամադրութիւններուն…», եւ անշուշտ չմոռցաւ յայտարարելու, որ իր երկիրը աշխարհը կը պաշտպանէ «չար Իրանի» դէմ: Գերմանիոյ նախագահը, որ սիրալիր կերպով դիմաւորած էր Իսրայէլի նախագահն ու սեղմած՝ անոր արիւնոտ ձեռքը, շատ յառաջ չգնաց Իսրայէլի իր քննադատութիւններուն մէջ. ան յայտնապէս չէ մոռցած այն գայթակղալի դէպքը, որ պատահած էր 2022-ի Օգոստոսին, երբ այդ օրերու իր վարչապետը՝ Օլաֆ Շոլց ուշացումով սրբագրած էր իր մէկ թերացումը: Կը յիշէ՞ք: Ան հանդիպում ունեցած էր Պաղեստինի նախագահ Մահմուտ Ապպասի հետ, որ չէր վարանած «ջարդարար» կոչելու Իսրայէլի պետական մարդիկը (Կազայի նորագոյն նախճիրները չէին սկսած), եւ լուռ մնալով՝ թօթուած էր Ապպասի ձեռքը: Եւ յանկարծ փոթորիկ փրթած էր, եւ Շոլց ստիպուած զգացած էր «նողկալի» որակելու Ապպասի յայտարարութիւնը: Հիմա, գերմանացիք աւելի «զգուշաւոր» են ու չեն վարանիր լիայրժէքօրէն նեցուկ կանգնելու Նեթանիահուի եւ խմբակին ջարդարար քաղաքականութեան, սակայն «աչքի փոշի» նետելու համար մարդասիրական օժանդակութեանց արտօնման պահանջ կը դնեն:

Բ. Ուշագրաւ էր, որ հանդիպումը տեղի կ’ունենար այն պահուն, երբ անդին, «Համաս» ազատ կ’արձակէր ամերիկացի զինուորական մը, որ պատանդ կը պահուէր աւելի քան մէկ ու կէս տարիէ ի վեր: Ուաշնկթըն եւս «մարդասիրութիւն» կը խաղայ տեղ մը, պահանջելով, որ Նեթանիահու արտօնէ սովահարներուն օժանդակութիւններու բաշխումը, սակայն բանիւ եւ գործով կը շարունակէ նեցուկ կանգնիլ ոճրային արարքներու: Միջազգային լրատու աղբիւրներու համար, կարծէք թէ շա՜տ բնական բան է ամէն օր յայտարարելը, թէ իսրայէլեան ռմբակոծումները քանի մը տասնեակ զոհ խլած են, չքանդուած կառոյցներ փլատակ դարձած են, տնազուրկները իրենց ապաստանարաններէն կը հեռացուին դէպի հոն՝ ուր… տեղի պիտի ունենայ յաջորդ ոճրային յարձակումը:

Գ. Պերլինի հանդիպումին պահուն, մէկէ աւելի բողոքի ցոյցեր տեղի ունեցան մայրաքաղաքին մէջ եւ այլուր: Գերմանացի ժողովուրդն ու մարդու իրաւունքներու պաշտպան կազմակերպութիւններ յայտնապէս աւելի՛ նախանձախնդիր են իսկական մարդասիրութեամբ, եւ չեն հանդուրժեր իսրայէլացի պետական մարդոց սուտերը, թէ՝ կը գործեն «մարդկային օրէնքներու հիմամբ»: Ցուցարարներու պարզած պաստառները խարանող էին. «Գերմանիա եւ Իսրայէլ. ոճիրի մէջ գործակցութիւնը ընդունելի չէ», կամ՝ «Զէնք չտրամադրել Կազայի մէջ պատերազմական ոճիրներ գործողներուն»: Զանգուածային լրատու աղբիւրները կարծէք թէ հանրութեան խնայած են (ընդհանրապէս) նման ցոյցերու պատկերները…

Դ. Կ’արժէ պահ մը վեր առնել այլ կէտ մըն ալ. Բ. Աշխարհամարտէն հազիւ 20 տարի ետք, Հիթլէրի ժառանգորդ Գերմանիան ո՛չ միայն ընդունած էր հրեաներու դէմ իր գործած ցեղասպանական ոճիրը, այլ նաեւ ՀԱՏՈՒՑՈՒՄ կատարած էր (մինչեւ հիմա ալ կը հատուցէ զանազան ձեւերով), քայլ մըն ալ անդին անցելով՝ դիւանագիտական կապեր հաստատած էր Իսրայէլի հետ (տարբեր պատմութիւն, թէ Իսրայէլ այլապէս որքա՜ն կը շահագործէ ոճրային «հոլոքոսթ»ը): Այլ ցեղասպաններ՝ Թուրքիա, Ազրպէյճան, նոյնինքն այսօրուա՛ն իսրայէլեան պետութիւնը կը մնան անպատիժ, անսանձ: Ուշագրաւ էր, որ թրքական լրատու աղբիւրները կը կանգնէին գերմանացիներուն յիշեալ ցոյցերը տեղեկագրողներուն շարքին…

***
Պահ մը տարուինք Հերցոկի հաւաստիքով եւ ընդունինք, որ Իսրայէլ կը գործէ մարդկային օրէնքներով, մարդասիրական սկզբունքներով: Ի՞նչ կը ստացուի: Կը ստացուի այն, որ՝
– Աւելի քան 50 հազար պաղեստինցիներու ջարդը մարդկայնութիւն է, մարդասիրական արարք,
– Քաղաքներու եւ գիւղերու, դպրոցներու եւ հիւանդանոցներու, ապաստարաններու, մինչեւ իսկ վրանաբնակ դարձածներու տեղակայման վայրերու քանդումն ու հրկիզումը մարդասիրական արարք են,
– Միլիոնաւոր մարդիկ մէկ շրջանէ ուրիշ շրջան բռնի գաղթի հանելը, յետոյ վերադարձնել, յետոյ դարձեալ ռումբերով հալածելը մարդասիրութիւն են,
– Միլիոնաւոր քաղաքայիններ սովի մատնելը, մանուկները սովամահ ընելը մարդասիրութիւն են, զանոնք մինչեւ իսկ տարրական ջուրէ զրկելը մարդասիրութիւն է:

Չեն մոռնար նաեւ յայտարարել, թէ Իսրայէլ ժողովրդավար երկիր է, մարդու եւ մամլոյ իրաւունքները պաշտպանուած են, մինչդեռ վերջին պատերազմի տեւողութեան, աւելի քան 230 լրագրող սպաննուած են:

***
Չկարծէ՜ք, որ մարդասիրական այս սկզբունքները միայն Իսրայէլի վերապահուած են: Քա՜ւ լիցի: Մարդասիրական նոյն սկզբունքները ի զօրու են Թուրքիոյ, Միացեալ Նահանգներու, եւրոպական, ամերիկեան, ափրիկեան եւ ասիական այլ երկիրներու մէջ, թէեւ իւրաքանչիւրը ունի «մարդասիրութիւն» իրականացնելու ի՛ր դրոյթը: Տեղ մը ընդդիմադիր ղեկավար մը կը բանտարկուի եւ անոր ի նպաստ ցոյցի ելլողներ կը խոշտանգուին… մարդասիրաբար, ուրիշ տեղ ոստիկաններ ցեղային խտրականութիւն կ’իրականացնեն… մարդասիրաբար: Եւ «մարդասիրական» արարքներու տարեգրութիւնը կը հարստանայ բազմահատորներով:

«Մարդասիրութիւնը» վարակած է նաեւ մեր հայրենիքը՝ ՔՊ-ականներու օրով (նախապէս ալ կար, սակայն հիմա «զարգացած» է անհամեմատ չափերով): «Մարդասիրաբար» է որ վարչապետը ընդդիմադիրներուն կը սպառնայ Ազգային ժողովի ամբիոնէն, նոյն «մարդասիրութեամբ» է որ թաղապետ մը քանի մը գործակիցներով ծեծի կ’ենթարկէ ընդդիմադիր մը, որ չարաշահումներ եւ փտածութիւն կը քողազերծէ, «մարդասիրական» նոյն ոգիով տոգորուած են ցուցարարներու վրայ յարձակող ոստիկանները եւ զանոնք պաշտպանող պետական մարդիկ ու արդարադատութեան ծառայողներ, մարդկային օրէնքներու հիմամբ է որ չարաշահութիւն բացայայտող լրագրող մը ոստիկանատուն կը տարուի…:

Եթէ կարկինը քիչ մը աւելի բանանք, դուք կը տեսնէք, թէ «մարդասիրական» ի՜նչ ոգիով ու բարի տրամադրութեամբ Արցախը նուիրեցին Ազրպէյճանին (եւ սա՝ Արցախը Հայաստան է եւ վերջ բացագանչողն էր), Հայաստանէն ալ մասեր նուիրեցին ու պիտի շարունակեն նուիրել թշնամիներուն: Հապա մարդասիրութիւն չէ՞ ժողովուրդը պաշտօնական կողոպուտի ենթարկելը, քաղաքներն ու գիւղերը անձրեւի ու կարկուտի դէմ անպաշտպան ձգելը, վնասուողին օգնութեան հասնելու համար… մատը մատին չզարնելը: Անդին, նախկին վարչապետ մը վաղը կրնայ մարդասիրական նոյն ոգիով բանտ տարուիլ, որովհետեւ բացայայտեց, որ իշխանական դասը բազմատասնեակ միլիառաւոր դրամի կողոպուտ ու չարաշահութիւն ըրած է (ան միակ բացայայտողը չէ):

…Այս բոլորը լսելով ու տեսնելով, ինչպէ՜ս չբացագանչել. ԿԵՑՑԷ՜ ՄԱՐԴԱՍԻՐՈՒԹԻՒՆԸ, ԿԵՑՑԷ՜ ԺՈՂՈՎՐԴԱՎԱՐՈՒԹԻՒՆԸ: Մինչդեռ հասարակ մահկանացուները կը մտածեն (Մայիս 8-9 օրերուն) անմար պահել հայրենքի եւ մարդկութեան պաշտպանութեան համար ինկած նահատակներուն յիշատակը:

Սարգիս ՄԱՀՍԷՐԷՃԵԱՆ
12 Մայիս 2025

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company