Նիդերլանդների ՀՅԴ կառույցի հայտարարությունը
16 Նոյեմբեր 2026
2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազավթած վարչախումբը Երևանում անցկացրեց այսպես կոչված «համահայկական» մի հավաք, որին մասնակցեցին սփյուռքի տարբեր շրջաններից անհատներ։ Նիդերլանդներից նույնպես գտնվեցին պատեհապաշտ մարդիկ որոնք գնացին սատարելու հայրենի Արցախը վաճառքի հանած, 5000 ազգի սերուցք կազմող երիտասարդներին սպանդի տարած, հայրենիքի տարածքները թշնամուն զիջած և զիջող իշխանությանը։ ՀՅԴ Նիդերլանդների կառույցը ազգային զգացմունքներով տոգորված ողջ նիդերլանդահայության անունից հայտարարում է․
Նմանօրինակ հավաքները միայն ու միայն ուղղված են հայ ժողովրդի պառակտումը խորացնելու և հայրենավաճառ իշխանության ապազգային դիրքերը ամրացնելուն։ Բոլոր նրանք ովքեր մասնակցել են կեղծիքի և երեսպաշտության այս թատերախաղին բացարձակապես հետապնդել են անձնական շահեր և երբեք իրավասու չեն ներկայացնելու նիդերլանդահայության հավաքական կարծիքը։ Ամենազավեշտալին այն է, որ մասնակցողների թվում կան մարդիկ, որոնք տասնամյակներ Հայ դատի հանձնախմբի հետ համագործակցել են Հայոց ցեղասպանության ճանաչման պայքարին և Արցախի իրավունքների պաշտպանությանն ուղղված աշխատանքներին։ Նույն մարդիկ այսօր ծափահարում են իրենց խեղկատակ առաջնորդի հայտարարություններին, որը Արցախ անվան արտաբերումը հանցանք է համարում և Հայոց ցեղասպանության ճանաչման հարցը վերջնականապես հանել է Հայաստանի արտաքին քաղաքականության օրակարգից։
ՀՅԴ Նիդերլանդների կառույցը, իր շուրջը համախմբելով ազգի և հայրենիքի ճակատագրով ապրող բոլոր նիդերլանդահայերին, շարունակելու է պայքարել թշնամու բերած և ամբողջությամբ նրա կարգադրությունները կատարող իշխանազավթ դավաճանների դեմ և հայտարարում է, որ դավաճանական իշխանության հետ ցանկացած համագործակցություն վաղ թե ուշ ստանալու է իր արժանի գնահատականը։
