Հանձնել-չհանձնելու հարց չպետք է քննարկվի
29 Նոյեմբեր 2018
«Ազգային օրակարգ» հիմնադրամի նախագահ Արա Հակոբյանը թիվ 4 ընտրատարածքում ՀՅԴ պատգամավորության թեկնածու է։ «Առաջին լրատվական»-ի հետ զրույցում նա անդրադարձավ Արցախյան հարցի շուրջ քարոզարշավի ընթացքում հնչող հայտարարություններին և նշեց. «Հույս ունեմ, որ դրանք ընդամենը առանձին դրսևորումներ են։ Այսինքն՝ ամբողջ քարոզարշավը նորից սև ու սպիտակի գույներով չի գնա, հաշվի կառնվեն նաև մնացած երանգները, հույս ունեմ՝ բացի երկնագույնից ու վարդագույնից։ Եվ այդ երանգների մեջ պետք է գտնել այն լուծումը, որը անհրաժեշտ է ոչ թե որևէ քաղաքական ուժի, այլ հայ ժողովրդին ու Հայաստանի պետականությանը»։
Արա Հակոբյանն ընդգծեց. «Հանձնել-չհանձնելու հարց չպետք է քննարկվի։ Մենք պետք է արձանագրենք, որ հաղթել ենք այդ պատերազմում, և բոլորիս համար հստակ լինի, որ մենք այդ պատերազմը հաղթել ենք. մեր բանակցային տրամաբանությունը պետք է ելնի այդ իրողությունից։ Իսկ մենք մեր հաղթանակը դրել ենք մի կողմ և քննարկում ենք տարբեր մոդելներ»:
Ըստ մեր զրուցակցի՝ այն հայ ընտրողը, որը նպատակ ունի ձևավորել ազգային օրակարգ և նպատակ ունի կերտել ազգային պետություն, պետք է քվե տա Դաշնակցությանը։
Հարցազրույցն ամբողջությամբ՝ տեսանյութում:
The YouTube ID of FWMQmndnpc=1000 is invalid.
